昨天俾咗１０蚊竟然浴缸重有頭髮及行李架重有沙，決定今日就慳番!
07:30 起身做下軍操執下包袱（因今晚要行軍到馬六甲轉營地)就去食早餐
09:45 出發到非洲...係非洲水上樂園， 即奬門人super在馬來西亞玩遊戲那裏.
10:00 到達那個超大埃及裝修商場（嘜唔係非洲咩，做咩去咗埃及?! 原來這個叫雙威金字塔購物城...) 行咗個圈觀察敵軍陣地，超大! 每層齋睇唔買我計過時，最少20mins, 共五至六層，最底係溜冰場。如果你第一次去在一個鐘內在每間鋪頭門口行過你一次過行得曬我請你食白飯...
最底層的溜冰場
 |
埃及裝修 金碧輝煌的商場大堂
行到你巔的商場, 這只是商場一角的一條巷
專賣軍服的, 我都有幾套啦 (講下啫)
外地的店鋪設計都不錯, 不清楚香港為何全部都一式一樣..
一路食一路X的餐廳, 唔知有無客人會這樣做...
專呃少女....不要亂講...係專賣少女物品的鋪頭
發現海盜!
保齡, 保齡...男女喜愛玩球......
哪, 你放個蘋果係頭度, 或者你轉身楝高個 Pat Pat. 唔洗驚喎, 一定中喎!......不過射中那裏就唔知啦!
商場中間竟然有個摩天輪...這可能是一個神秘基地.. 一陣間可能會有架米格戰機係商場下面升上來..
室內都有旋轉木馬玩
係咪同泰國商場內的小店一樣呢?
空中懸浮著不明飛行物體, 佢重會飛埋嚟同你say Hello...(係時候食藥)
重申一次, 這不是香港影的, 這是 Malaysia.... (各同學請跟我讀一次, Ma...la...s.....乖..啦! ;) )
專賣皮的鋪頭...唔該要一張羽絨(被)呀!
這隻牌子香港很少見了, 但好似重勁過X-Shock
商場外面影芔去的非洲水上樂園
11:00 齊人，進軍水上機地
很高的城牆, "報告軍官, 洗唔洗準備繩索爬入去?" 軍官 "唔洗,你只要俾錢行入去就得" "哦....xxx!"
然後派給我們一個軍牌 (係手帶, 記錄每個人出入及開locker用) 本來軍官話我地如有貴重物資就放低係門口locker, 但後來佢發現裡面有, 好彩, 如果唔係出出入入樂園都無時間玩了!
門口既鬼屋
旋轉木馬
又見到賊船, 不過好似幾多人自願上去, 上到去又要 "V嘩鬼叫"
但其實我見下面睇的人重開心過上面玩的人....只見下面 "嘩嘩, 好高呀...嘩嘩...!" 大家心都涼埋!<--奸笑
吸煙吸到無曬肉, 真慘..
旋轉咖啡杯. 亞姐係度唱 "話正多 合我心 為您煮咖啡..." 對唔住, 我有D暈, 唔係...我有D想嘔..."你都無坐""但我唸起就想...""...."(無奈)
匯X銀行? 的獅子 金色好似勁D!
有飲水機. 這部機又名洗手機同洗腳機...(講笑!..)
 |
係咪好似海X公園的電梯呢? |
本來有表演, 但我地唔夠時間睇..
嗰幾隻鸚鵡只是叫 "傻瓜...傻瓜.." 話緊邊個? 你照下鏡咪知囉...傻瓜..傻瓜...(佢地當然唔識講啦, 係我講啫...不過佢地見到人好似好雀躍, 係度跳來跳去, 你地去到就探下佢地啦!)
舊石刻住 "Bali" 不是嘛....這就是Bali !
進行水路攻擊前最後的補給站
兩把大風扇
裡面的士兵會問你幾多位 (你估飲茶咩! 係要幾多位放野) 另會否多次開關 locker? 我要了個要開多次的, 結果走時只開了一次. 早知話只要一次的 (應該會平些) 或 不要就好了 (因原來有好團友幫手輪流睇住, 白浪費了RMB$15....)
外邊的 Locker, 而 Locker 左面就係女隊員更衣室
這是男隊員更衣室
水上樂園入口
嘩, 見到敵人既水上特擊隊! 嘩嘩嘩!
點解全身藍色潛水衣既? 因為 "藍精靈, 十分勁!....呢班馬騮唔定性!"
各人係要自己取橡皮艇上登陸的,
無錯, 同情報講既一樣, 佢地既女人係由頭包頭落腳落水的.
這邊是另一道玩水上飛顫的賽道, 這邊比較好玩!
裡面有機動部隊同水上部隊訓練 (機動及水上遊戲), 因之前無取到相機 (放了在 Locker,失敗!), 那裡的相都係玩完換好衫後在 locker取回相機在水上樂園門口附近影的. 但很多機動遊戲的相都無影到了...
嘩, 玩完出來見到幅海報就肚餓了...
13:45 拿拿聲走去沖涼換走潛水衣 出來竟然出太陽, 重要係勁曬那種
14:15 離開訓練基地
走咗去KXC, 竟然發現咗12:00-15:00既超平午餐..一個脆辣雞脾海南雞飯餐(無錯,係海南雞飯既雞油飯,估唔到 KXC 有這個美味組合)+一個雞包餐都只是RMB$12.7含稅, 平過香港.
佢有個職員行埋來問你要咩食同你寫定, 你咪以為咁會快咗, 因在柜枱賣野的伊斯蘭女人竟然係度玩 Matrix 避子彈 (做野超慢動作) 每取杯汽水或取個包都玩次避子彈。。。。
12-3 超值選, 計埋稅重超值過香港麥X勞! 話說我近來係香港KXC食過類似最右面那個餐, 要HK$33, 多了個葡撻, 但無鷄油飯同無那麼大碟.
終於有野食啦..
一到埗見到那粉紅色的清真寺, 又見到周街著住橙色衫, 唔通係菲律賓既橙衫軍(好似泰國既紅衫黃衫軍) 原來軍官話佢地出來開P (係有節日慶祝)
那些橙衫軍係個廣場度唔知攪咩?
那公務員宿舍根本就係一個渡假區
很少有的粉紅青真寺
這邊中東 Feel !
這邊歐洲 Feel !
有無搞錯, 宿舍重靚過香港既黃金海岸!
想到係度做公務員真好之際....
樓 上...唔係...係天空又有幾架軍用直昇機飛過 (這次不是搖控係真嫁啦!) 我: "總部..總部, 係咪有事發生...?" 總部: "係, 今次係去巴基斯坦對付拉登..." 我: "嘜佢唔係已經俾海豹特擊隊射死死咗咩?" 總部: "吓,係咩,唔怪得D海豹去曬香港海X公園啦" (xxx!)
唔好理嗰兩個傻佬講野, 繼續寫我地行程...(有一個傻佬好似係你喎,係咩..唔覺喎)
就係上空那幾架軍用真昇機要執行任務啦
這個廣場有店鋪供職員食飯, 食物都五顏六色..
普通職員食這些
這些蝦伸直有半截手臂那麼長
這個魚頭重勁! 你睇下面幅相佔了4份1櫥窗就知
軍階高的就食貴D, 蝦:RMB$25, 勁大魚頭:RMB$3X.6!
食完飯隔離重有甜品賣, 包括好得人驚既化學武器--榴槤雪條!
16:30 行完開車到馬路甲..係馬六甲呀, 傻佬!
18:30 到了飯店,今餐係自己俾咗RMB$130食既黃油蟹..係奶油蟹...那蟹麻麻地 (我地就媽媽地!..)
"嘜奶油蟹唔係用煉奶煮咩?" "唔知喎.."...
突然間食神星爺上身: "D蟹無蟹味----失敗; 奶油無奶油味----失敗, 個汁白曬曬又稀----失敗中既失敗...最失敗係浪費咗隻蟹--攞去青蒸...係清蒸, 或加胡椒, 或整番個鴻圖窩麵都好過...." 係咁俾碗車仔面你好唔好?" "好...." 原來個廚師問. " 講笑啫.." (當然無以上情節啦)
突然間食神星爺上身: "D蟹無蟹味----失敗; 奶油無奶油味----失敗, 個汁白曬曬又稀----失敗中既失敗...最失敗係浪費咗隻蟹--攞去青蒸...係清蒸, 或加胡椒, 或整番個鴻圖窩麵都好過...." 係咁俾碗車仔面你好唔好?" "好...." 原來個廚師問. " 講笑啫.." (當然無以上情節啦)
食到 "媽媽地" 既奶油蟹, 不過那三色冰後上無影到
不過貴些都無得講..一兩餐算吧, 正所謂 "出得嚟行..預咗要還" (電影對白), 但都唔好俾D難食既野呀...早知食網友話既雞粒飯或食個杯麵咬下餅乾好過..我覺得最好食都係個所謂三色冰, 係椰汁+炮兵(砲冰), 即時涼快曬....
19:45 到了今天札營地點 馬六甲 Bayview Hotel
到達時已經發覺唔對路.....係咪有人埋伏? 定有地雷? 唔係, 只係同之前酒店差一截, 上到房, 個房有煙味, D野舊, 個浴室陰陰暗暗, 同大陸那些差酒店有得揮, 連水都要自己煲, 無得供應, 不是嘛, 這是甚麼酒店!
個酒店大堂勉強OK
入到房很大煙味!
窗外夜景頗美, 但下面的缺點就....
這裡是工人房?!
無免費水, 渴死你罷就!
個冰箱空空如也, 你唔係想我買D飲品自己放入去送俾你地酒店呀?
浴室陰陰沉沉...
花灑唔夠力, 團友隔日話佢地無咩熱水添 (我自己夠熱)
幅牆...算吧啦! 只驚佢裡面藏屍啫....你咪嚇我!
個喼唔夠放要突出來...無言.....
這裡很先進, 開完牆上冷氣重要開兩張牀中間的冷氣...唔怪得無冷氣啦!!
這是一間鬼酒店 (唔係真係有鬼, 但係個人覺得唔係俾人住囉!) D團友V嘩鬼叫聲不絶於耳, 不過算把啦, 住一晚. 慳番啖氣執下野好過啦..
21:00 阿軍官話帶我地去食宵夜, 我地好勻真,係咪你請先!...嗱唔好搭膊頭呀, 好熟呀? 再搭我叫非禮嫁... (男人老狗唔係驚呀...) 行到半路有座教堂, 見到有個女仔係度揮手...你唔係以為睇緊鬼故, 係真嫁!......不過原來係個揮手既人像, 俾佢嚇死!
隊友話今日我地攻擊水上基地很成功, 一於beer beer佢, 唔該十斤高樑要嚟沖涼..無?! 係咁俾支古綿純吖唔該....都無, 係咪玩野呀...."Sir, it is Malaysia..." " Please give me a Malaysia beer.." 來到竟是喜力+健力士, 係團友抱住的阿B (即成日話要Baby Chair那個BB女) 選的,
馬拉....唔係榚, 係馬拉大排檔
"燒鷄翼你鍾唔鍾意食.." 唱得好難聽呀! (我地無買...)
串燒勁平! 圍番港紙幾亳子一串...
可能阿B想飲就選了健力士 (講笑). D啤酒來到時唔涷, 點知軍官講話佢地鍾意飲熱啤(佢地話補喎...好明似雪櫃唔夠涷講既藉口啦, 你咪當我傻啦....<--係咪? 你真係傻喎..) 酒類係伊斯蘭教國家比較貴.
團友哥哥, 唔好意思, 幅相影埋你, 你上鏡了!
再來一碟花甲(蛤), 點解唔叫葉甲或樹甲, 花乙,花丙,花丁...你唔好咁無聊啦, 問d咁既問題....我都無氣答你! 洗唔洗做人工呼吸?...唔洗, 多謝夾盛惠!
再來一大排的串燒, 同泰國一樣好似唔洗錢咁, 計番幾亳子港幣一串, 不過係細串少少同肥肉多左D, 係咁多右D得唔得...你話呢?!
串燒又平又入味!
D "花乙" 要落隻蛋, 好似香港既窩蛋牛飯要撈撈佢...
煎釀三寶, 不過香港那些好D, 這裡炸太燶了!
偷影吓當地靚女先....這個細路女來收數....o靚妹, 你邊個球場嫁? 嚇到佢收完錢即走. (其實係佢見我地影佢怕羞走開啫!)
中途軍官過來話有個細路女牛一, 好啦, 咁就劏個女仔慶祝下.唔係...係切個蛋糕. "恭祝你生日碪穿個頭....." 彩! 對唔住, 唱錯咗...係 "祝你生日快樂..." 然後我們就祝佢福如東海, 壽比南山 (即刻老咗幾年....)
無碟食喎, 用手食囉, 或者用塊面"鐘"埋去食又得, 想起都興奮! 後來有個阿伯多事 (係好心) 給了我們紙碟, 食完蛋榚就回歸了..
無碟食喎, 用手食囉, 或者用塊面"鐘"埋去食又得, 想起都興奮! 後來有個阿伯多事 (係好心) 給了我們紙碟, 食完蛋榚就回歸了..
這餐幾多銀両我唔知, 因團友話明天先計, 最後團友都無收我錢, 我唯有以身相許...以炸魚乾回禮.
之後去了便利店買水及牙膏, 發現咗同事話要買的X昌白粉 (白咖啡粉, 想簡單D都唔得..), 本來想買多幾包, 但無馬幣, 算了!
就是這包X昌白咖啡, 好唔好飲我唔知, 因我都無得飲....但傳説(網上流傳)話好得!
23:00 返到房, 見到地下有支牙膏, 原來之前唔見的牙膏係地下, 好邪呀!
之後睇下D朱古力, 我地就係因為轉營地要執野將D朱古力放喼, 個喼又放咗係裝甲車(旅遊巴底) 勁熱既天氣+勁熱既車箱內部 (早知放個糕落去,而家咪焗好有得食囉!)
但話曬我都係職業特工, 我個喼你唔係以為係喼咁簡單呀, 佢唔單止唔識防彈, 唔識防爆, 重唔識防雷, 幾勁!....(叫人點答...Short得幾厲害)
我個喼內的朱古力無溶呀, 但隊友那些士多啤梨朱古力就無那麼好彩了.. 我地唯有同D朱古力默衰一分鐘!
沖個涼執下野 (明天又攻另一營地要執野)
第三天行動報告完畢, Sir!
朋友, MYD 係馬紙,RM 係馬幣單位, RMB 係人民幣...
回覆刪除阿K(暗號來的)
回覆刪除不清楚呀,因買翻黎的手信都是打住 RM,可能睇錯了吧!