因未有馬紙，唯有枱頭放下ＨＫ＄１０給執房
晨早窗外景
馬來西亞出名的椰漿飯(我覺得同白飯的分別只是多了少少椰子香味, 反而印度薄餅及"咖喱雞"好味 ("咖喱雞"係人都知好味...係咪)
黑醋沙律
加乳酪前
加了乳酪(紫色那些)後
因知道自己個肚麻麻, 所以早餐每日只是少肉及多菜多生果吧了!
08:15 食完早餐要出發執行任務
10:00 上了裝甲車唱了些彈藥 (HK$100對 RMB$36, 大約唱了1500港幣, 因個導遊猛講話馬來西亞D野好平, 又可碌咭, 唔洗唱咁多, 點知最後梗係唔夠啦..)
另外俾錢食自費餐奶油蟹 ($130馬紙, 上咗賊船, 唔係價錢問題, 遲下再講..) 早知跟網友 (出發前已印資料)去食雞粒飯同行夜市食冰糖胡蘆啦!
今日我們先攻取賭城 (唔係拉斯維加斯) 係出曬名既雲頂, 佢出名在猛, 唔係人猛, 係o個樣猛.
(本來行程寫我地有得住這間那麼出名既酒店，出發前我個同事話記住要住４樓,但竟然全院滿座！無得住,我返到去同同事講，佢話有無搞錯，我想你有無搞錯!XXX!)
"總部, 請派幾架黑鷹直升機來接我們上去." , 總部 "好!" 聽到直升機聲, 見到幾架黑鷹係上空, 但突然聽到總部對講機那邊傳來: "Black Hawk Down!....Black Hawn Down!......!) 吓!..原來係幾架搖控直升機, 重要無油! xxx! (當然係幻想啦, 你唔係當真呀!) 算啦, 唯有搭敵軍既交通工具--纜車上山啦, 但都唔好玩既, 都唔會一出那下抛架纜車出去既!
D纜車同間酒店一樣, 有D青青地! (邪)
賭場比較舊, 要dress code,不可著露趾鞋, 鞋踭要有或有帶, 衣要有領, 長褲...
但見到劉華或發仔既...?
這個是賭場隔離的酒店大堂
那裡的樂園要俾錢自己玩, 我想除非你係3yrs以下, 大過你都唔想玩....只是有個好像太空人無重狀熊下的好像幾有趣, 但 1 Day Pass 要成60幾馬幣, 都幾貴!
上番去有個好似歡樂天地+機舖既地方, 打舖機或抛下銀要5-6個credit, 無玩到...
我隊友話要去登陸諾曼第, 我就幫佢地睇住D小工兵, D小工兵話要食雪榚 (打緊仗嫁,食雪榚?!無計), 去了麥X勞,但它的雪榚(可能係戰場(賭場)關係)很貴, 而且有一個問題, 就係那裡開暖氣,痴線嫁,30幾度開暖氣 (無冷氣)
於是就走了過隔離的 KXC, 原來那裡除了炸雞外都有雪榚, 隊友買了2杯細雪榚 (每杯半個球)+一杯中汽水給小工兵, 原價$7馬幣, 特價$11馬幣(我指係特別價, 要加稅, 嘩, 超過50%稅, 好過去搶!)
終於大家安全回來, 有人話唔見咗D野, 有人話多咗D野 (重洗問,梗係錢啦!)
唔好理啦, 上車出發去開餐!
GoGoGo!!
搭搭下車影下當地人生活
中午開餐, 今餐竟然好食...!
IQ題時間到...餐館貼住 "肥水不留別人田" 點解?
1. 對聯來的: 下聯係 "瘦地可俾我們耕"
2. 暗號來的
3. 食物名
4. 餐館廁所只供食客用, 不供外借
俾你1/1000秒時間想, 唔係呀, 想這麼耐都想唔到?
我本來想是2,軍官笑笑口話唔係, 再選4, 佢都話唔係....
原來係3食物, 那麼又係咩食物呢? 原來我地食緊個蒸蟹同下面個湯就係, 蒸蟹D汁流落去個豆腐湯到...早响吖, 我重猛飲個湯, 個肚....又要去廁所........
大家爭住飲既湯竟然係....
這個就是"肥水不留別人田"上面的蒸蟹
原來成日要Baby Chair那妹妹可食餸嫁(唔洗只飲奶)同佢識楂筷子嫁, 連楂筆寫字畫公仔, 佢媽媽話佢唔洗教自己識的...勁!
之後去咗間叫嚦X嚦X (唔係魔法陣, 無阿伯跳舞, 見唔到勇者) 只見到個阿嬸, 又叫你聽佢講故仔介紹產品, 講得又快又急, 一輪機關槍掃射我地, 佢竟然可以無表情, 勁!
(洞燕燕窩, 東革阿里, 千里追風油, 豆蒄油等)講到唔買你走寶, 但你見到佢就一定唔想買的樣子..雖然都有少量團友買, 但我覺得佢都sell得幾失敗...
其它野如那些白咖啡都係麻麻地好飲 (原來裡面得好似9包, 貴!)...本來想去同事及網友話在馬六甲買的X昌咖啡, 不過跟住大隊, 行程好趕, 唔知明日有無時間買, 如果無買到o個2同事話買的白咖啡,實將我五馬分屍, 死完重要鞕屍, 個頭掛係公司門口, 貼出黃榜公告天下..呢單野你唔好以為就咁完, 起碼重要由亞洲講到歐洲(公司上下)講多幾個月至一年才能平息民忿, 想起都得人驚!
所以隠陣起見, 都係買2盒唔大多好飲的白咖啡(最多買唔到X昌)及幾包叫龍捲風蝦卷(類似蝦片的東西,這個好食喎!)..因物品都係買五送一, 我夾埋其它隊友一齊買, 點知又出事...
之後去參觀了馬來西亞現在及之前做得最耐的總理(總統特首之類,唔識分), 没甚麼特別, 而且可能係重要機關, 裡面唔俾影相...只是講段故仔, 話說裡面其中一間房係之前總理既洗衣房, 部洗衣機竟然洗緊....原來D場館工作人員洗緊佢地D衫! 係咪好正呢?!
現任總理家門口
左右各有一個唔郁得既軍人看更, 我先同佢行個禮, 見佢無反應, 很想知佢係咪機械人, 想搵支毛筆同佢拗痕..
中途落下車俾你地影下相
吉隆坡地標雙子塔 (遠遠地影就好, 因太近會影唔曬)
之後再去了一個軍官話打棒球的公園
清真寺
軍事建築物?! (警察總部)
你估125代表咩, 原來係年份 (唔記得係咩野成立年份, 軍官講過, 但我唔記得) 係咁我話明年呢? 佢話個牌就會轉126喎! 咁有趣..
這是閒日市中心, 竟然無咩人同車, 唔通俾外星人捉曬, 要報告總部至得! 軍官話唔洗少見多怪, 馬來西亞d人同車返工放工同假期就會出動嫁啦..
話說馬來西亞天氣勁熱 (無泰國那麼熱, 但熱過香港同新加坡), 我把00x專用的電風扇竟然係鬚跑! (唔涼一D用都無! 建議大家見D熱既地方都係帶扇好, 越大把防衛性越高<--係面積大夠涼..)
買了幾包濕紙巾都無用, 唔知係咪有香水成份, 抺完重要黏住....用乾紙巾或毛巾濕水重好!
而天氣同以下行程及明天發現的問題有少少關連..
再去兵工廠 (朱古力工廠)參觀(係一隻馬來西亞賣既朱古力的牌子)
兵工廠 (朱古力工場), 都見唔到整既, 只是賣.
黑朱古力, 我覺得同香港那些無分別囉..本來我覺得椰子味都幾好食, 但太貴, 無買.
最後買了買5送1的 (唔知係咪馬來西亞買咪都興買5送1..) 排裝朱古力, 有芝麻(好味,這個2排), 東革亞里, 咖喱, 辣椒味 及 黑朱古力(這個搭的), 這個比較平, 每排大約港幣三十幾, 但回到家才知有古惑.. 就係只見到膠片的地方有朱古力, 包裝紙的地方係空心的....
而我的隊友就買了很多無得試食既 士多啤梨味朱古力, 又話有原粒士多啤梨...點知佢地重大鑊..
軍官推介既黑朱古力無特別, 反而其它東革亞里(苦苦甘甘地) 芝麻(正!) 咖喱同辣椒味都唔錯!
但原來回到家才發現包裝有古惑..
我俾錢時唔夠馬國彈藥, 想碌咭, 佢搖曬頭, 唔收?! 又話可以碌咭既?
我話"唔俾得唔得?" 佢笑笑口講 "No problem,Call Police!" <--這兩句我加的
係咁我話俾港紙得唔得? 佢就收咗我港紙啦, 不過遲下可能唔收嫁啦, 只收人民幣.....
後來發覺佢要成200蚊馬幣才可碌咭...
用了部份子彈後又上車
19:30 食完個飯(個飯食有很多明星去過很出名的新X(我個名)肉骨茶,但我地那枱麻麻地囉)我都係覺得台灣士林夜市同香港屯門藍地農X菜館那些真材實料些, 這邊只是多肉, 很少藥材味.
中間的肉骨茶不夠藥味, 而個胡椒豬肚湯又太多胡椒 (勁嗆喉..!), 只是個豬肚不錯
之後去便利店買了幾支水 (行軍打仗點可以無水!), 馬來西亞天氣實在很熱, 見便利店邊的"行"很像大陸很髒 (泰國清潔很多, 起碼旅遊區見唔到), 買完水即閃!
想 想下唔多掂唔夠手信, 又唔知之後有無命 (有無日子)再買到手信, 見到間街邊手信店(唔知定係士多既鋪頭)就唔理話事人 (領隊）同軍官 (導遊)的眼光 違反軍令都要做次! 死就死! 衝入去買了網友話OK既 Old Town白咖啡 (回來原來同事話香港有得買同平Ｄ. 唔同嫁, 去韓國要買辛X面, 買電器要買Made in Japan, 那些白咖啡係Made in Malaysia嫁! <--唯有自己安慰自己...) 那白咖啡比在他帶我們去既手信店買的好飲，而且同一價錢裡面有15小包(原來係很大條裝的) 贊! (後話：回到公司有某些同事話甜, 我覺得苦苦地喎; 唔香, 但係佢賣點係滑呀! 當然有D同事話好飲啦! 唔洗錢有你飲你想點，下次唔俾你飲! <--哈哈，講笑!)
馬來西亞頗出名的 Old Town 白咖啡, 原來香港有得買, 重要俾同事串... 下次通通無你地份....殺殺殺......(喂, 係時候食藥啦!!)
20:00 回到扎營地點 (Holiday Inn住兩晚)
在酒店大堂分贓（之前同隊友夾份買的手信) 依...點解少咗包蝦卷?! 唔係話買５送１咩, 唔通好似大陸一樣興出術, 話事人同軍官見到我地圍住分贓唔勻, 驚發生馬來西亞華人十大命案, 於是走過來看看, 說會同手信店講，既然佢都咁講，我地行走江湖 (唔係成X)， 講過信字. 講完大家當無事發生一哄而散!
就係差D為咗這包蝦卷爭崩頭, 發生史上最凶殘最血腥最慘無人道華人十大命案 (現在想起都驚!) 好彩最後大家都相安無事..
回到帳篷做下軍操沖個涼，執埋明天行裝(要轉營地)及水路進攻的潛水衣(泳衣)就訓了.
23:15 睡
第２天行程報告完畢，Ｓir!
沒有留言:
張貼留言
歡迎各位留言, 但不可講粗口及留低俗字詞!