影評 : 職業特工隊, 3D龍門飛甲, 福爾摩斯2, 龍紋身的女孩

首先 今星期一定要睇的電影有2套, 我唸你地會想到一套但估唔到第二套

講下我睇了 福爾摩斯2, 職業特工隊4, 3D龍門飛甲 同 龍紋身的女孩

第一套要睇: 職業特工隊 Misson Impossible 4

講真, 頭一二三集 集集廣告同預告都吹噓得好勁, 點知套套我都好失望.. 由1996年第一套開始我發覺個片名真係改得太好, "不可能"的任務, 因第一集已經誇到一架高速行駛中的火車都撞佢唔死, 這真是"不可能既任務". 好, 期待第二集會好些..有吳宇森拍, 點知..唉..! 到第三集...都係一般.

只有今集第四集才有真正睇緊特務片的感覺, 而且氣氛算緊張.

雖然劇情都係誇張, 而睇那些入侵俄國克里武林宮及杜拜百幾層飛詹走壁已經值回票價!

而現在科技的進步令觀眾再也不覺那些儀器工具是遙不可及的東西, 再過十多二十年可以做到都唔奇...再者加入iphone這玩意現在很多人都有的電話令觀眾更易投入戲內. (如有MI5 我想會用3D Android嫁啦! <--到時睇下係Samsung定Google?)

Tom Cruise 果然寶刀未老, keep 得好好.

只是選角有些問題, 女主角唔靚而且唔似特工, 有那麼胖的特工嗎? 女刺客簡直就係個八十後反叛少女, 又無殺氣, 邊忽似女刺客呀? 只有那個電腦 Hacker 同 Tom Cruise 做得比較好.

睇見這張很想笑!

明明沙塵中超級死跟那個恐佈份子, 但見到佢上了一架慢駛的貨車就放棄繼續追, 放了佢走, 搵戲嚟做D喎!

Tom Cruise 獄中救出來的人都唔知有咩大用處, 又話滅口組, 最後佢又認得 Tom Cruise..

不過這些少問題絶不影響觀賞指數.

這集好睇過前幾集好多. 是第一部要入戲院睇而你們可能已睇的. 我給95分!

好, 講第二部要入戲院睇而我相信很多人都錯過的:

3D龍門飛甲

無錯，係呢套.

點解? 其實我都唔抱太大期望去睇這套戲。一來３Ｄ要買眼鏡 (講笑) ,係３Ｄ除了亞凡達我都無睇過邊套好睇。二來又係古裝武俠片? 又係果班人? 悶唔悶Ｄ呀? 不過聽我朋友推介及網上的影評後決定去睇。

因為３Ｄ戲比較貴的關係，而小弟又住天水圍，所以去了屯門凱都睇 (HK$50)。上次凱都睇３D套西片我已經睇到火火地，上次係字幕３Ｄ，人唔３Ｄ（當然有戴３Ｄ眼鏡），今次係畫面唔多３Ｄ，Ｄ字直頭有兩層。重要Ｄ字幕有時放左面有時放右面（唔知係套戲定間戲院播字幕有問題?) 我已經坐全院中間但字幕時左時右都睇到我眼花，好彩我睇既係廣東話版，索性唔睇字幕!

不過講番套戲, 頭廿分鐘, 好碎料喎, 有無人講得咁好睇呀? 而且那些飛來飛去特技唔係"臥虎藏龍"已用過的嗎? 比咗錢入場人地又話好睇, 所以繼續睇..

睇到一半, 到**龍門客棧 開始講兩批人的 "曬馬" 及其實另有計劃開始有D睇頭. 而最後的45分鐘係全片的高潮所在. 越後越打得精彩及你越緊張.

注: 我都奇怪那女的 (睇番先知係 范曉萱..唔似呀!) 甚麼都唔識為什麼由 周迅 由頭帶到落尾..

這片演得最好既唔係 李連杰 同 周迅, 係 "不能說的秘密" 女主角 的 桂綸鎂, 而 陳坤 也不錯喔!

這片如不是有 MI4 同 佢要玩3D, (因3D比較貴, 一定要影響入場人次) 我想可近來稱王了. 我給87分!

**不過我想講好可唔可以唔好講好再講 龍門客棧呀? 拍到爛啦...

好啦, 到 福爾摩斯2

其實我無睇過第一集我覺得OK (幾個朋友都話第一集好睇D), 因為在火車上及樹林追殺那兩段都很精彩, 尤其後者. 我俾幾十蚊就係只睇樹林追殺那段我都覺得抵. 不過套戲一早已經話左俾你聽邊個係奸, 而且都無咩查案成分, 只是黑色攪笑多. 輕鬆睇下無妨!

我俾70分

最後 龍紋身的女孩

是我很期望 而 又最失望的. 話歐洲的票房幾勁, 本書幾賣得, 但點解套戲睇到一半我已經唔緊張, 變咗好普通的查案, 重有D悶 (我無睇過本書, 但唔知係本書本身係咁定拍0個個拍唔到那氣氛出來)

別人話頭25分鐘可以遲些入場或去下廁所, 講得無錯, 頭25分鐘只是講男主角的家庭問題同查案無關. 25分鐘後才開始正式有案件找男主角去查.

第一場新監護人強暴女主角, 我明. 因要講女主角生活幾坎坷同佢要復仇. 但後來的除衫戲都係同部戲無關的. 不知編劇是否想藉此吸引人睇同制做話題? 女主角比男監護人強暴完抗拒男人找女人我明, 但最後又鍾意番男人同男主角上床, 轉得那麼快?

只有女主角真係幾型, 除了那些環外, 髮形同頸鏈同手帶都頗有型. 這又制做出那反叛少女的形象.  (後來才知是福爾摩斯2同一女角..)

只有三點比較驚喜: 1. 兇手死了以為查完 之後還有 2.隠形女主角究竟去了邊? (不過如果你夠醒應該估到) 之後還有 3. 雜誌社的翻身, 以為1完了散場, 點知重有2, 以為講完2 走得, 點知有3..
片長抵睇D..

片頭送花标本來的意思是甚麼??? (無講到!)

這套除了女主角型外, 故事根本就是 "固弄原虛", 這套連多年前的 "沉默的羔羊" 都好睇過佢.. 都不知它賣座在那裡?

2009年的歐洲上的戲要2011年才在香港上演.. 係咁幾時先有續集 "玩火的女孩" 上呀...?

這套戲我只能給60-65分!

不過人總是很奇怪, 越是說不好看人越是要去看看!


最後講下, 既然話題之作的 MI4 同 龍紋身的女孩 都玩 笠頭, 我想這是今期潮流所趨吧!