旅遊: 2011/5/25-29 星馬行動 4th day (內含猴子高歌的片段)

2011/5/28 星期六 4th Day

06:00 起身, 點知去咗幾次廁所, 可能昨日無咩點去啦

07:40 去食早餐, 當然無咩好食.. 我本來想坐近取生果那裡, 沙律當然無啦....吓好多位喎, 唔比坐!? 不是嘛? xxx! 竟然要我坐近門口...是但啦, 最多行多幾轉...點知佢D生果食完就無...cheap 到..

係咪見到都唔想食呢?  而且幾舊生果取完就無... cheap 到....

又俾我偷聽到 (所以話做特務就要小心, 以免洩漏國家機密) 昨晚去食宵夜時有班國內團友入住 (成班都係阿太, 除了導遊外, 全部女人勁奇怪!), 佢地就話昨晚係床邊見到阿強, 我心唸你掛住你二公阿強 (男人有二奶就女人有二公好正常, 三公都有, 不過通殺--啤牌唔係唔識玩呀?)

原來佢地同導遊講佢地昨晚佢地太肚餓捉小強 (蟑螂) 一路食一路練千蟑(蟑螂)萬毒手, (其實係在牀邊追殺佢地), 佢地話 D蟑螂重流曬血, 吓, 蟑螂最多只會b腸, 唔會有血喎.. 我想不是蟑螂呀, 是蚤吧! 隻蚤都好大隻喎!

08:30 標落大堂, 咦, 成個大堂只見話事人一個, 其它人唔通俾人捉曬?  (但見個大堂人影都無隻! 只見個櫃台有人盯住我... 傻強話齋: 做事不專心又一直盯著我看的就是警察, 我越想越唔對路, 唯有去廁所想清楚解決方法 , 我終於解決咗--係大解!.........!) 後來才見隊友出現, 吓, 點解我張紙既集合時間早D, 唔通有人想見多我幾面?

09:30 我地一落車就六月飛霜, 先來個旱天雷, 然後竟然曬住來落雨, 天呀, 有寃案呀! 唔好發巔, 快D行!

行到河邊就坐船仔遊 威尼斯.............隔個洲的 "see壹see"

 軍官話而家D馬來人好富貴, 個個駕車, 無人搭鐡路喎! 咁又真係唔見佢開喎..唉...摺得!

係咪好似影得好靚呢這個相?  其實佢只係船上其中一盞燈定柱的物體

 河邊的摩天輪, 即昨晚窗外望出來幾靚的那個呢.

 "天荒地老流連在摩天輪
在高處凝望世界流動.."

 船上街燈又出現啦!

登登登登.......尼斯湖水怪出現啦!

點解隻水怪縮咗水,因為日本輻射囉...真陰公!

水怪竟然會爬樹? <--講古就唔好駁古啦!  

岸邊很多白色小屋

還有白色教堂

水車

話說某日Mr Cheung (張保仔) 駛佢架超級遊艇(到此一遊), 點知被人誤被人認為佢係海盜) 被人擊沉咗,佢成副身家跌曬落海...上機前話真係有寶藏嫁啦... 不過張藏寶圖過了期, D寶藏俾人挖走曬...鳴.......但這裡是馬來西亞喎...Oh Sorry! (佢其實係馬六甲海事博物館,只是路過,我們無去呀...)

 周圍都見的觀光塔

岸邊的酒店

10:30 上了岸就係皇帝, 阿軍官明整蠱我地, 話帶我地去參觀食雞粒飯的地方, 但竟然只是參觀無得食.....!  (學曾生...唔係曾蔭權, 係曾志偉高八度講: 有無搞錯!)

這裡就是鷄腸街( 鷄場街)

與在馬六甲很出名既X記(香港李生那間電訊商) 鷄粒飯擦身而過 

街道兩旁的店鋪都很有特色, 又中又英 

這就是軍官帶我們去有得睇無得食既另一間雞粒飯店

唔明點解間飯店要放架人力車係度? 呀, 我知啦, 一定係這是老闆現在的座駕, 但因為太名貴, 所以泊自己的店內

附帶講吓, 前面有得俾錢著衫坐輪椅(係龍椅) 嫁!

估唔到失落千年的武功心法在這裡, 你鍾意練玉女心法又得, 金瓶梅又得. 幾蚊本, 鍾意邊本揀邊本. 不過謹記武學至高無上的心法, 就係: "欲練神功, 必先自宮!"

 路邊竟然有武術雜技團, 可惜我無時間, 如果唔係一定入去講 : "我要打十個!"

馬來西亞很出名既化學武器--榴槤晶露!

之後去了星期日既皇后像廣場 (馬六甲荷蘭紅屋, 太多人了, 感覺似皇后像廣場)

荷蘭紅屋, 這個角度最少人, 但其實周圍很多人

附近的攤擋 萬人空巷

 我重以為求簽, 原來係百家姓的筷子

 買這對拖鞋明折磨自己, 但送俾人就 Very Good!

多啦A夢法寶之一: 電風扇帽子!     我要竹蜻蜓!

街邊賣水及生果, 那邊天氣太熱, 重好賺過許X山, 勁多人圍住

"唔好訪問我, 唔好訪問我, 有咩同我經理人聯絡, 謝謝!" 估唔到黎到馬來西亞都被人訪問, 人紅又生得靚仔似蔡X華, 無辦法...

 一字排開, 唔洗咁隆重歡迎我喎!

花車載人遊花園, 佢地既設備都好先進, 一路有部機器播住好rave既party音樂,  "頭搖又尾擺, 飄移境界..." (唔知佢地係咪唔識聽, 竟然無播這首歌..佢越踩越快, 我就好想按下上邊的按扭睇有無飛彈係後面射出黎.

話說一陣就到炮台 (吓, 這個就係世界文化遺產?) 一個爛爛地的砲台,  原來係因為這裡的鐵礦"錫"呀!

長官: "點解我地D軍車泊係度?"     "報告長官 因為前面時租停車場泊滿車!"   長官:"......."

以上就係違例泊車被鎖 (講笑, 馬來西亞周街都可以泊車的) 

中途有D o靚妹走過, "你地已經被重重包圍, 快D放低手上武器..." (原來佢地圍住我地要我地講 "北漏洞拉...木精失女..") 吓, 講來重咩呀, 講完就一哄而散?! 快閃黨?!

 街上的騎警很受遊客歡迎! 而且任拍唔嬲.

12:10 正喎, 到網友話正既陳X福買手信, 這裡好似超市咁大, 我地係度推住架車玩障礙賽, D野都好好食, 阿隊友就話早知前幾日唔買咁多係度買啦, 這裡又平又多.

我唯有話有早知無低D...點知佢會唔會再帶我地買手信, 更唔知會會益我地帶我們嚟呢度, 係咪?

隊友話見到有個白衫仙人係個場度飄來飄去 (係金X福老闆) 但我見唔到, 唔通我時運高?! *注:他重健在嫁!

陳X福裡面頗大像超市, 部份食品可試食, 價錢合理而且大都好好味. 但我竟然見唔到陳伯...

13:25 食完娘惹菜(原來之前記錯咗, 今餐甜品先係珍多冰--即馬來出名的娘惹冰)

你估下這是甚麼? 係"傻"? 唔係糭呀, 係林林地既蝦餅

這就是我記錯了的真多冰 (珍多冰---馬來人叫娘惹冰), 食完透心都涼, 爽!

就上車去蝴蝶公園, 屯門都有個喎! 人地喎個真係好多蝴蝶那種, 而且重有好多奇珍異獸.

我就因為掛住影隻傻豹,(佢真係傻嫁, 佢係個竉外面行來行去..行來行去), 雖然我用了運動模式影佢, 但都係影到佢好飄忽..搞到我影佢影到無曬電, 影唔到後面D蛇
(後面好多蛇嫁, 嗚....無得影, 雖然後來團友寄了D鱷魚相給我, 但無蛇蛇喔...)

孔雀見得多, 白色見過未? 呢隻白色既孔雀就算我點用美色引佢佢都唔開屏, 唔通佢係男人? 

 話明蝴蠂公園就一定有蝴蠂啦

 佢地食生果嫁! 

就係這個網困住牠們不飛出去

但有很多爬在地上, 遊人看不到就搭上去踩死了........

 蠍子蜈蚣你驚唔驚?

"這些都是機械鱷魚" 軍官講的,"  "軍官唔該你放隻手落去"   "依, 軍官, 你係咪無咗隻手呀!.....!"  "特技嚟啫.."  "你好似流好多血喎..."  "特技嚟啫" (以上情節, 小朋友切勿模枋, 大人就無緊要囉!<--講笑!)

個殼突出來的龜 

 就係下面行來行去既傻豹影到我部機閃下閃下就快無電...

影下賓尼兔先

左邊的鳥很不屑的望住我(真的) "影咩影呀, o靚仔!":佢心想 

你見唔見到有野, 見唔見到有野, 因為反光, 但裡面有幾條很大的魚 

唔知這種係咪叫尖隊鱷 (尖咀鱷) 呀?

任食生果及糕點, 不過我都係鍾意食那個紫色油淋淋似傻但食落甜甜地似糯米慈的東西, 如果裡面有花生砂糖就更好味啦! 

燒傻(糉) 

手臂那麼長的蕉, "蕉你今日吔咗未?" 

 這幾隻猴子很高傲, 唔係你餵佢食香蕉佢就食, 要睇心情

我第一次聽到猴子唱歌! 很神奇! (請按左下角三角型播放)

蜂巢? 不是. 原來這個係鳥巢來的.  "北京來的?"   "無聊!"  

終於見到佢開屏啦!

15:35 食完生果睇完動物就開車

18:15 去了間新美都冷氣大酒樓(這間一定要出名), 因為佢好食? 這主要原因啦, 另一原因係冷氣這兩個字! 原來馬來西亞不是間間食市都有冷氣, 而且這間的冷氣是非常強勁! 要著衫.

間食市既滷水鴨(我最Like), 炸了鷄 (團友給了"讚"), 蝦片(有個隊友背住個行軍背囊, 成個背囊都掛住)

軍官同話事人可能拆唔掂數, 佢地就話補番包蝦片俾我地, (還記徥我地差些為了包龍鳳蝦卷大打出手) 我地都話不需要算啦, 返到香港係咁咦擺番幾圍打番隻足金金豬算, 但佢地係都要放低. 都幾好食, 算佢地啦! 見佢咁平, 我地又買了包飯後食.

 這餐很好味! 掛住食, 個口好唔得閒, 所以無咩影到相...

之後就去了睇螢火蟲.

因為睇螢火蟲, 而不可拍照, 所以以下只可耳傳, 不可影相留下證據. (拉登都係為安全無用電腦, 完全靠郵差傳訊<---但佢最後都被人發現射死咗喎!......細路仔, 唔好問咁多野!)

首先每人都要著件污糟的救生衣 (你放心, 係無一件清潔的)

然後中途先經過橋底, 唔係去放炸彈拆橋防止敵軍坦克渡河呀?! 唔係, 係睇橋底既--燕子巢, 同埋軍官講佢地在這兩岸起了很多白屋裝了很多聲波儀器引燕子來築巢) 當地人就取燕窩去賣.

睇完燕子巢我地就繼續夜間行動, 有無夜視鏡先? 個個忍住呼吸 (會死嫁喎!) 就進入河內 (河流內) 進行越戰以來最危險的任務. 你地有無睇過有線既怪談, 那時我們既氣氛就係咁啦, 周圍漆黑一片, 坐住架隨時會翻的艇, 有人重話這裡有鯊魚, 紅樹林有鯊魚? 係咪撻沙魚呀? 不過有鱷魚就唔出奇.

中途唔知邊度走咗三個唔知邊度走出黎既臥底 (講西人話,原來船家想賺多幾個人錢，吓佢地係咪間碟黎,一陣自有分曉)　我地個個都好聽軍官話無開相機閃燈，其實係大多數人都無帶專業的高ISO相機，而螢火蟲係怕光的，所以大家都無得影. ..

那些螢火蟲其實都無咩特別, 只是好似聖誕樹閃呀閃.

間中會有些似小燈泡在空中飛舞, 以下為真實對話:
我聽到有個阿媽同佢個女講: " xx (個女名),你睇下有隻(螢火蟲)飛緊埋黎, 快D擘大口" 阿媽真識食, 而且做父母既永遠都將最好的留俾仔女---多謝阿爸阿媽!

點知大家突然見到一束強光, "大家爬低!" ,原來係那個西人０靚仔臥底發射照明彈. (向住那些螢火蟲照強力手電筒!) 有人襲擊,那些螢火蟲當然走啦!  這時我們當然全部人望過去. 但佢竟然無理我地..

好啦, 去到另一棵樹, 佢又玩多次, 這次我們真係不只望過去, 直情全體怒目而視, (我想我地用牙簽橕起佢雙眼玩閃光彈之後掉佢落去餵鱷魚, 呀都係夾佢中指...),

我地問:"你係邊路嫁?" 西人o靚仔:"咁你地又係邊度?"  "我, 鹽田仔安泰樓保安部早班金燕子勞國安!"  另一女隊友答:"快加好精選午市自行車外賣黑牡丹蘇菲亞羅蘭!" 另一男隊友答:"沙溪口耀明材垃圾房, 啍..我係鐵頭...哎.." 以上為電影X擂台對白) 個o靚仔聽完打個冷顫 (可能佢尿急) 即刻乖乖坐定定.

睇睇下竟然有D肚痛, 不過唔知係咪剛剛那餐食多咗肉定食多咗中午個娘惹晶露出事. 食了蜂膠同蔬菜丸好似唔係太得, 唯有一上岸就除低救生衣急急腳走回酒樓借廁所,

點知男廁排長龍?! 原來國內的女同胞們個個唔理三七廿一佔用了男廁, (廁所有廁所門,但最奇怪係一開門見到兩個女一齊出來...<--真實個案...無言) 好彩後來終於上到廁所...

10:15 終於到逹新山 (最近新加坡的邊境城市)架車一路行我地D團友一路研究經過既酒店, 一時話今晚住這間, 一時又話住前面那間, 原來軍官話昨晚那酒店係4星, 唔係呀! 重衰過D 2星酒店 (後來上網睇番原來真係4星, 邊個俾星嫁!!)

新山的車賣廣告很特別, 係用架車拖住後面的廣告牌的!

到了酒店上了房, D團友又V嘩鬼叫, 但今次佢地係話好靚呀, 好得意呀之類! (梗係啦, 昨晚之後唔驚你班友玩投訴呀!) 我個房比較特別, 因有一張好似加床的床 (即2張床). 個浴室有浴缸及企缸. 一個人先沖企缸再沖浴缸, 訓2張床, 每個鐘較一次閙鐘, 每次訓一張床你都唔好話陳爽 (話唔爽!), 你唔好巔啦, 一個鐘醒一次重洗訓 ?!

終於夠位擺行李

很得意, 免費加床

可拉出來既電視櫃,不過我勸你部電視唔好拉太出, 佢真係會掉落來的! 

廁所是滑門設計

很明顥是翻新過的, 不過比起昨晚的酒店要好多了!

一邊企缸, 另一邊浴缸

不知道這音量扭洗水間有甚麼用??

不過間房好似無嘜冷氣, 打到話事人房間, 點知無人聽. 因隊友之中見到有人用Casxo咭片相機, 就先去他門那層問他們借义電器. (近來搬屋, 個义電器唔知放那裡)

一落到去就見到話事人, 話事人就問我來做嘜? 我好想話來執房 (講笑), 只是來問借义電器同同佢講我間房無冷氣, 佢話佢會找人來維修. 但後來佢都知馬來西亞人太崇拜奇洛里唯斯 ,喜歡玩避子彈 (做事超慢動作), 所以都係叫服務員換間房俾我. 房間同之前那間無分別, 只是方向相反吧了.

回到房沖涼後义電义了大約2小時還給團友义電器又睇下明天進攻環球影城的方法

直到這刻那兩個女通訊兵仍然無俾番些彈藥(電話咭的馬幣$30)我, 唯有明天會更好!

"輕輕敲醒沉睡的心靈　慢慢張開你的眼睛  看那忙碌的世界是否依然孤獨地轉個不停  春風不解風情..."

00:45 唔好一個人自己搖來搖去唱明天會更好啦, 訓啦!

第四天行程報告完畢, Sir!