2019 6月尾7月頭 馬來西亞 新山 檳城 吉隆坡 遊記 (26/6 1st day)

其實本來都無唸寫馬拉遊記（上幾次歐洲都無寫），但朋友親戚都叫我寫，是但啦.

都可比朋友認識吓當地，同適唔適合移民？

因電腦💻send相有問題，攪咗好耐未攪掂.😫 （終於攪掂！）

所以出住個文字版先，如想睇埋圖嘅朋友就等我出埋相一次過睇都得！😆 （而家就出有圖文版啦！😆）

26/6/2019 下午6點幾機. （飛吉隆坡4個幾鐘，班機delay咗20幾分鐘）

雖然無買行李都可拎細行李🧳喼呀，我都唔知點解唔拎喼拎背囊—重，因為今次有拎風筒同電水壺（電水壺係今次好有用，下次應都會帶））

我唸住平d係Expedia買機票+1程Airasia機票，所以無飛機餐咪唸住補訂，點知原來亞航訂餐要24小時以上，所以訂唔到.😢

去到機場已食咗嘢，但點知唔夠飽，上機重要買咗個韓式炸雞飯（辣辣似咕嚕肉）+可樂.（我都OK鍾意搭AA, 因為機票價可以, 同個飛機餐係都算OK好食呀！😋)

呢次因趕時間同其他人話係機㯲銀聯抵d就唸住比少少手續費（旅行前已開通幾日海外提款）

去到吉隆坡機場ATM想㯲，

但吓，每次$1000馬幣，最多嗰部都係得$3000 （最左邊紅色嗰部無記錯可襟3千馬幣）. 當時唸，之前重有d馬幣，聽日去到新山至㯲睇會唔會可㯲多d?

係便利店買咗壽司🍣卷，杯麵，飲品，

用東南亞call車App Grab,set信用咭比錢. 搭咗都45分鐘以上到酒店.

去到一早話要late check-in, 點知佢話我book嘅係Day Time,唔係24小時？！我問咩叫Day Time？ 佢話只中午12:00計起6小時..吓，Day Time 唔係指全日？ 呢間Sri Enstek Hotel 係時鐘酒店嗎？！😟

算啦，平嘢真係無好！夜麻麻費事周圍揾，比多晚錢住.

因為之前間房張床單有D懷疑血漬，佢換咗間懷疑比傷健人士用嘅房比我。。😓

當晚我食咗個便利店買嘅美極辣杯麵，點知勁辣！！我要倒幾次礦泉水落去沖淡佢先食到半個. 

我手上還有d辣汁，點知我走去揉眼！嘩，雙眼又紅又熱流眼水，我估同警察胡椒噴霧差不多！

即刻走去浴室狂開水沖眼..沖咗7-8分鐘先好D, 攪完一輪，瞓啦！ 

26/6 馬拉之旅 第一日完..