影評: 世紀末光煞, 我的華麗皮囊, 逆戰, 大魔術師, 八星報喜,無敵貓劍俠 3D 粵語版, 地心探險記2, 金陵十三釵 , 我愛香港喜上加囍2012

今次出超簡單影評, 因為睇得都頗多戲, 如果套套都出詳細影評的話唔得掂 (我指無時間寫唔掂)


在新年期間, 睇了"世紀末光煞 3D", "我的華麗皮囊", "逆戰", "大魔術師", "八星報喜", "無敵貓劍俠 3D 粵語版" "地心探險記2" "金陵十三釵" "2012我愛HK喜上加囍" ("阿漢正傳"太少戲院太少場次, 結果無睇到)


世紀末光煞
完全無特別, 只是一班o靚仔o靚妹走來走去避外星人追殺.
最大敗筆係同網上講既一樣點解一般人一掂外星人的光即消失, 女主角掂了幾分鐘都無事?
消磨下時間無妨, 但要俾貴飛睇3D就無謂.
38分


我的華麗皮囊
上的戲院不多.
其實一開始, 睇開都知係整容. 本來都好有心機睇下佢個故事點安排, 點報仇. 但導演 艾慕杜華 Pedro Almodóvar 真係好怪鷄, 睇到一半都知佢想做咩, 但又何來那些精心大報復呢? 中途只是大家 "斯" 殺. 我心想不是這樣的劇情吧...點知都係，完全無驚喜...而且那女主角有聲問題根本不合理 (我一出場就聽到觀眾說了!)
雖然我之前都睇過佢一二部電影. 我自問不是一個保守的人，但我都頂佢唔住. 下次佢拍既戲我都要考慮睇唔睇.
35分


逆戰
真係好睇。
我估唔到有兩樣，
第一，英皇竟然有好片，上次的　"新少林寺＂垃圾非常，估唔到今次落重片拍到接近荷里活式動作片.
第二，估唔到真係警"菲" 槍戰片都拍得出親情. 我初頭重以為只是星球大戰式的父子情, 大義滅親那種. 估唔到拍到親情, 這是我有哭的其中一部片.
講番套戲, 開始時你重以為睇緊美國的大片, 槍戰絶不輸荷里活大片! 中途的兄弟情, 父子情 同 母子情 估唔到都處理得不錯!
謝霆鋒識做戲係 "十月圍城" 已經見識過, 但周杰倫同大奸角都唔識囉, 全劇差不多同一表情, 係這套劇最大敗筆.
85分


大魔術師
這是之前團購買的, 果然知道套戲唔多掂.
首先, 如果唔係劉青雲, 我真係唔識笑.
睇了半套戲, 我朋友係度上網睇跑馬, 我就打嗑睡.
上半部完全唔知佢想做嘜?? 而且魔術這東西台上即時表演就好, 電影本身就多特效, 電影中演魔術, 這只會給人一個更假的感覺. 雖然電影中有不少金句, 可惜都只是說得很快地輕輕帶過, 根本没時間給觀眾思考就很快接上没意思的下一句, 觀眾思考好還是追字幕或下一劇情好?
幸好下半部劉青雲的攪笑令我回復少少睇戲的心情. 劉青雲比梁朝偉搶鏡很多, 梁朝偉在這套戲上只是個木獨的書生魔術師. 周迅OK.
這套戲好明顯劉青雲的角色有 "讓子彈飛" 中的師爺扮湖塗, 其實 "刁" 通眼眉的才智. 可惜與 "讓子彈飛" 差太遠了, 只能有攪笑的份兒.
而且那些奸角根本不奸. 完全攪笑.
可惜這套戲我真是不太笑得出來.
38分


八星報喜
入場前不抱太大期望. 果然無令我失望--> 真係不需要期望.
攪笑...唔太多攪笑. 中間 "Twins" 出來想笑, 又笑唔出.. 
親情...ok的. 尤其黃百鳴那便宜父親那幕幾好睇.
夢想...最後的夢想最好睇, 令這套戲追回我不少分. 你可以選擇放棄逃避, 但有些人不會, 無論成唔成功, 那些人都係人生中的贏家!
50分


無敵貓劍俠 3D 粵語版
我唸原本英文版會好睇D. 睇網上話好睇. 個影評唔知係咪細路仔睇既. 全場只有酒吧飲奶那part好笑. 其他唔太好笑. 隻怪獸竟然係隻大鵝. 得90幾分鐘重要睇3D貴飛. 3D係做得不錯, 不過就不足彌補以上缺陷.
13歲以下可能會覺得好睇.
40分


地心探險記2
估唔到咁好睇.
這套係我期望最少的, 估唔到有驚喜.
頭十幾廿分鐘無特別. 一到島後遇到大蚚蜴就開始好睇. 估唔到那些3D特效配上大銀幕就好像之前"阿凡達"一樣真實, 當然 "阿凡達"係卡通片, 佢唔係.
這套除了大量比較真實的持技外, 就是那些男女老中青互吋鬥嘴的情節, 真係大家吋咀不"繞"人的態度. 而最後大家當然合作逃作魔島啦.
不需睇第一集的, 和第一集無咩關連.
找個大銀幕戲院去睇吧!
88分


金陵十三釵
這套是要去睇的, 尤其女性觀眾. (我想你們的感受會比我們男性深)
本來是十四釵的, 但死下一個死下一個, 最後要是 "演唱" 只有十三釵.
不要理那究竟係十三釵還是十四釵. 劇中帶我們回到戲院的感覺 (唔知係咪全場都陰陰暗暗..?)
演技: 演蝙蝠俠的男牧師, 漢奸爸爸, 細路教堂主持同那些妓女的演技比那些女學生要好多了. 那些妓女演的是有血有肉有感情的人, 為了別人為了民族 "括" 了出去. 牧師也是, 細路主持也是, 漢奸爸爸也是, 演出了人性, 也演出了無奈. 這也是我有哭的電影.
這是其中一部要去看的電影, 我想快落畫了, 到戲院看吧! 而且開始的戰爭場面也是要到戲院看的.
80分


我愛香港喜上加囍2012
睇網友話好好笑, 本來我想是夾著之前72家房客的期望來看, 結果我只笑了一兩聲. 我真不知怎形容這套戲 (我見我隔離位那個由頭到尾都無笑過, 你就知幾大鑊) 睇明星無妨, 但如果我要選港產喜劇, 我會選八星報喜囉..
30分