影評: 機槍教父 Machine Gun Preacher

影評: <機槍教父 Machine Gun Preacher>

故事講美國傳奇人物 Sam Childers (Gerald Butler演) 自傳改編. 


講他剛出獄, 最初由一個脾氣暴戾的癮君子, 毒販, 飛車黨, 只知自己享樂不理別人死活 (包括自己老婆) 的人(暫稱為人..), 之後在公路上桶了流浪漢幾刀 (電影無交代那人有無死..) 最後驚到自己都唔知自己在做甚麼的時侯, 老婆叫了他返教會, 在教會中宗教影響下他信了神重獲新生, 正正經經找了份建築工作. 

可惜真係 "好人難做!", 他的老闆雖然很滿意他的工作, 可惜比 "雞碎咁多" 錢人工 (典形剝消工人的衰老闆!), 而且返工的日子都係有一日無一日 (唔通個天都唔鍾意佢, 定係基督天主教成日話俾D試練給信徒?)..


有天, 當地括起龍捲風, 做父親既佢改邪歸正後力保妻女安全! (Good! 浪子回頭金不換, 但有幾多個浪子可回頭呢? 正所謂江山易改, 本性難移.. 除了宗教同愛情力量, 有幾多人自己可做到??..)


當佢正為修緝家園時, 個衰老闆又出現, 佢話周圍村落都俾龍捲風吹襲, 而他又欣賞主角手藝想他幫手, 最後以分賬形式對分.


在他有自己的建築公司及較好的環境時, 在一次教會的聚會中聽到其中一位牧師在非洲蘇丹的經歷, 他決定自己去看一看那邊的情況及幫助當地人民起屋.


在一次起屋時認識到丹尼及他的自由戰士同伴, 他於是就希望丹尼帶他到烏干達看看那邊的情況.

他去到後見到那邊的村落小孩流離失所, 除了每日要在外露宿外, 還要面對被販賣, 性虐, 殘殺 及 捉去當少年兵的命運.


他回到美國後很不安樂, 他說受到神的號召在美國當地起教堂及在非洲蘇丹戰火地區附近起兒童收容所.. 當然在所有人眼中 (包括丹尼) 都不被看好.

在起的途中, LRA (Lord's Resistance Army -- 戲中及現實中都係大奸角的一支軍隊) 襲擊收容所令他的心意付諸流水,  正當他心灰意冷要回美國時, 他老婆鼓勵他做下去.


於是他就決定以暴易暴用雙手及機槍幫助當地兒童對抗邪惡的 LRA !

這套戲俾你知道世界另一邊的第三世界真實發生緊咩事.... 


首先我不是非常大期望或没期望去看的, 只是中規中矩平常心去看. 


開頭 Sam Childers 壞事做盡, 我心想要我信你做正派, 無可能!  點知他 "殺了人" 後的無助 (絶對要人幫..) 時的眼神 ( Gerald Butler 做得好!) 轉折入去教會悔過做教徒. 我相信如你未曾經做過教徒 (我都曾經信過基督教) 你唔會知道如你真心信一個宗教, 它是可以改變你的言行, 正如愛情可給你力量一樣, 不過當然宗教同愛情一樣, 過了頭或想錯了, 後果同樣可以是很極端的). 
所以我可以接受他那突如其來的轉變. 


去到蘇丹見到那邊的情況我都明白係會同情及幫助他們的, 但至於要賣掉公司押完又押住所,為幫助當地人, 我都幾難接受 (雖然現實中真人真事,  其實公司賺多些有穏定的收入幫助他們不是更好嗎??) 

然後主角找他的舊老闆捐5千美金, 對於他老闆濕濕碎, 但都諸多籍口. 最後要到老闆 Party上才應承, 點知打開一看, 只有百幾蚊美金! 男主角說 : "這些錢用在他們 Party上的醬料錢也不夠! 他們住在皇宮, 非洲的兒童在捱餓.." .
在蘇丹, 丹尼問他是為什麼, 他們不是你的人民...
當他心中的憤恨日深, 當全世界, 上帝, 妻女, 不肯幫他的人以致好像所有人為敵時, 個男孩細路走入房同佢講, 唔好俾仇恨支配你..
在一次拯救行動中, 因有太多兒童, 他的車載不下, 要令部份人留下, 個個小孩驚到要搶上車, 他應允2個小時後再來接他們, 可惜回來見到的是一個冷酷的現實
這些情景都深深打入我心..

在那樣的情景下你會選擇點做? 會像那些無國界醫生那樣? (我覺得那些醫護人員已經無得頂!) 還是會像Sam Childers拿起槍同奸惡的 LRA對抗? 雖然我想很多教徒都唔滿意Sam Childers以暴易暴, 但在當時情形下唔通由得 LRA 亂殺害及涂毒無辜兒童. 如果我有他的勇氣及剛強的心志, 也有他的能力, 我想我也不忍心見到兒童被殘殺, 就算要入地獄就入獄吧! (而且舊約聖經中也有不少對基督徒不滿的人被對付, 舊約中也說對他們不而客氣對待...這是我不認同的! 只是後期新約聖經及耶穌降生後對不是教徒的比較慈愛吧!)

對真正需要幫助的人就幫. 


正所謂救得一個得一個, 比舒特拉的名單更接近現代 (現在還發生緊..)

片尾後段有Sam Childers真人的真誠英文說話.


與<血鑽 Blood Diamond>一樣是人生必看電影之一! (可二選其一看! 本人後來看了<血鑽> 鍾意後者多些)


劇情76分+開眼界分10分 (這開眼界分當時是未看血鑽時給的).


LRA (Lord's Resistance Army) 的阿頭 是 Joseph Kony (大魔頭, youtube 有一人一pose全球通緝令)

蘇丹 烏干達 的情況:
http://www.youtube.com/watch?feature=fvwp&NR=1&v=UbgPkxOSmDE

 

影評: Battleship 超級戰艦 異形海戰

影評 <Battleship:超級戰艦 異形海戰>

影片講男主角 Lt. Alex Hopper (Taylor Kitsch演, 即 尊卡特傳奇 那個) 為了女主角 Shane(Brooklyn Decker演) 及 被阿哥Stone (Alexander Skarsgard演) 被迫誤打誤撞入了隊做海軍.

新增說明文字

衝動派原本有機會被革識的Hopper在一次多國聯合海軍演集中遇上外星人到訪及攻擊. 因 "科技高低" 問題被困 "海中" 同外星人開戰, 最後死剩他的戰艦, 而他誤打誤撞, 因為只剩他是當時最高軍階, 於是就做了船長, 他決心同外星人決一死戰!

首先我是睇了預告知道有此片. 嘩, 預告精彩!  但我通常都知道 "預告精彩 劇情糟榚" 這道理, {有85%以上的電影都是} 入就入硬場 但不抱太大期望...


估唔到開場都係無令我失望--> 無料到! 個男主角攪咩呀? 為了令女主角 歡心偷入便利店(偷)熱鷄肉卷 <--其實有比錢, 但店已關, 偷入去重要整爛曬D野! 唉... 女主角樣唔靚, 但身材勁. 最靚仔係男主角大佬可惜佢 "真係男配角".....


過了半個鐘 (頭半個鐘真係可以去廁所同遲了入場都唔怕) 正當出現了類似 "Zoids索斯機械獸" (TOMY的, 我細個都買過隻機械蜘蛛..)的外星戰艦後, 我以為係科技爛片之際, 緊張刺激的防衛戰展開了!

除了 "索師機械獸", 其實最勁係 "爆刺搖搖" 至啱, 那有刺的搖搖除了似中國十大殺人武器血滴子外 (又Short 上腦) 外, 其實我覺得同 亞曈木 來期中一個敵人機械人好似, 又係高速 "搖搖" (但無刺), 但它可以一分為二 吸敵人在中間 之後毁滅敵人...重恐佈..

首先海上拍片比陸上拍片難幾倍, 出過海都知在船上是左抛右抛, 拍攝人員要唔暈船外, 船上的拍攝器材要防水, 又要固定在船上 (如果唔係實抛落海) 重要後期剪接重新整好, 唔會令觀眾 "暈戲浪" (很多偽真實電影如 "殺人習作" 都搖來搖去, 攪咩呀?! 我睇你套戲 唔係睇你玩攝影機飄移呀!) 這點做得好好!


這套片, 雖然比不上 <Transformer 變形金剛>系列電影, 但與 <變形金剛> 各有勝處, <變形金剛> 係劇情到這步, 你唔知下步, 觀眾有些見步行步的感覺. 而 <Battleship> 就係埋有伏線, 死剩男主角要他做艦長, 在演習前向老兵致敬, 救下不和的日本艦艦長, 怕死科學家唔肯上車等都埋下之後劇情的重要伏線.

不愧為荷里活A級大制作. 除了 <Hancock街頭超人> 導演 彼得·柏格 玩味性質玩世不恭味極濃 外, 原來制片的個個皆星, 有 布萊恩高德納與班內特史納, 史卡特史達柏, 莎拉奧柏莉, 鄧肯韓德森 個個猛人一同監製! 而攝影指導, 美術指導, 造型設計 特效 等都是著名老牌電影制作人, 很難怪掉了這麼多錢 US$200 million 去, 你唔係比"行貨"出來呀, 而且這片很利害, 在全球, 尤其韓國, 已破外國片開畫冠軍三大, 在香港這陣子無任何對手下起碼可連續 2至3星期冠軍!

本來以為它全部起用不起眼的新人, 只有一兩個見過下, 原來我真係唔識貨, 男主角開頭講咗, 唔靚女主角Brooklyn Decker原來係超模 (佢老公原來係網球好手Andy Roddick), 男主角大佬係 <真愛如血> 的Alexander Skarsgard. 唔靚女配角原來係著名黑人女歌手Rihanna, 嘩 都係粒粒橙 (粒粒星至啱!) 但我想問既然出得咁多錢找粒粒星來演, 點解唔請多D靚女靚仔演呀? 女主角同女配角我唔想睇呀!!  我就鍾意船上喋喋不休的男配角.

套戲音樂真係無得彈! 我很多時都話套戲要有劇情同拍得好外, 音樂同音響絶對可以係錦上添花 (可以為套戲增加幽默懸疑恐佈氣氛等) 港產片<大追捕>拍得好, 但無了很好的音效或很少音效, 令觀眾少了緊張刺激 (好片, 可惜). <Battleship> 就知道這的重要, 音效同音樂 (年青人放縱不基 (基? 唔好意思, 唔識打, 頂住先) ) 的音樂. 音效在戰爭場面時帶起, 非常刺激!


其實主角由一個衝動派掌門短短唔夠一日變了識用孫子兵法, 這簡直不可思議! 不過這又何干呢? 一來就炸香港 (好明顯那些外國人心目中香港人是那種黃種人還要黑接近日本韓國人那種, 而且都係日本韓國那種樣, 所以我想那班香港被炸是日本演員) 之後又孫子兵法, 好明顯又係中國而家掘起, 無論在中國上映或外國都要加番D中國特色..

很多人話同外星人完全打無得打? 我想外星人80%機會勝, 地球人20%機會勝吧! 因為我地都未去到外邊的銀河系, 外星人可到地球的話, 外星生物的科技肯定會比我們高些. 但外星人真係可適應地球嗎? 地球的細菌病菌它們能適應嗎? 猛虎不及地球蟲 (地頭蟲, 講下笑, 唔好介意!) 你知我地地形點步儲嗎? 正如 <黑鷹24小時> 一樣, 你能穏勝嗎? 所以勝算 8 : 2, 不過都係外星人高些.


這片除了外星人除了 "爆旋陀螺" 及水做的防衛牆外, 其他都不是太高科技外. 大佬, 外星戰艦飛出來的不是魚雷, 又不是普通導彈, 點解好似要扔好多過手榴彈過來先打得沉地球戰艦? 而家射兩個魚雷過來船都沉啦, 外星彈不是這麼落後呀? 而且外星船用地球的槍及普通炮彈都射得爛, 不是嘛?!

但套戲無交代外星生物係咪真係咁仁慈? 他們 lock的目標全部都係高科技野或建築物 (它們視線會變紅色), 見到生物包括人類就變平和的綠色. 佢地係咪要來毁滅地球還是來令地球回復自然生態, 或是其他原因? 套戲無講. 期待打算拍下集 的會有交待?


雖然套戲有以上不足之處, 但真是緊張刺激!

而最攪笑係係 電話Apps "買飛睇戲"見到人地寫 "...最慘就係d外星人,落泥地球借個電話打返鄉下,就俾人打, 打完班美國佬同日本仔就變晒英雄呀最後.." <--哈哈!!

91分

Battleship本身是小孩的玩意, 兩方在紙上1至10, A至J 的座標上佈致唔同的戰艦, 每人五艘, 對手同你都不會知道戰艦放置在那裡. 要鬥快估中戰艦位置將它擊沉. 將對手全部艦隻擊沉的勝利.
後來發展到有電子版 (孩子寶, 唔係TOMY, 而家iOS同Android都有得玩)

孫子兵法:
孫臏 的兵法, 三國的時候用了很多, 最著名的當然係 "三十六計, 走為上計" 而而家明星就最鍾意係機場用 "明修棧道, 暗渡陳倉", 當年孫臏及諸葛亮就係因為這些打了很多勝仗, 但後期都說 "孫子兵法" (尤其係火計) 太殘忍, 所以唔想再用..


孫子兵法: (簡体)
http://www.quanxue.cn/ct_bingfa/SunziIndex.html
http://www.awflasher.com/36/




2012地球毁滅論:


外星人:
霍金都講過同外星生物接觸係一件很危險的事. 你唔相信有外星人, 成個銀河係都無, 只得地球人? 只有地球可以有生物? 人類會唔會自大左d? 不過正所謂人不犯我, 我不犯人, 所以都係唔好攪人 (外星人) 吧!


地震同海嘯:
這其實最有機會發生, 你睇而家咩國家都話地震, (遲D邊度都唔洗去旅行) 最慘係重要引發海嘯, 你地都見過日本同南亞海嘯幾恐佈! 走得到咩? 最好唔好發生.


地球引力:
磁場同地球引力問題令人氣侯劇變, 所有生物包人類唔適合生存, 想種野都種唔到, 無電力或電力電磁干擾. 涷死或餓死的人不計其數. 如果由引力引發地震海嘯就不得了!


磒石撞地球:
這有機會但多次都撞唔中或很細的磒石, 如比較大的磒力撞落黎, 除了被撞地方賴野外, 引發的地震或海嘯又是不得了.


無論地球係米2012毁滅都好, 活得開心有意義才重要! 




最後俾多條 <變形金剛 Transformer 3> 短片你地回味下:
http://www.youtube.com/watch?v=E-Sg_zJrDxc&feature=relmfu

影評: 魔鏡．魔鏡 白雪公主決戰黑心皇后 粵語版

<魔鏡．魔鏡：白雪公主決戰黑心皇后>  粵語版

首先註明我睇既係廣東話版, 因發覺有話這戲麻麻. 但我入場觀看時看到早上全院四分三院滿,除了頭兩三行. 小朋友高興不在話下, 估唔到我聽到五十幾六十幾歲老人家的笑聲!

首先這是一套合家歡, 無論你幾多歲都啱睇. 年輕人又點呀? 無問題, 有靚仔呀有靚仔, 有靚女有靚女. {對唔住, 又short上腦講那些低能話} 而且對白唔老套唔脫節 {廣東話版, 英文版不清楚} 人物名又抵死, "白高敦", 而其中一個矮仔名字片尾有提,  不失幽默.. 這是一套迪迪尼的合家歡片, 你唔好期望有咩驚險恐佈情節, 不過看的途中是會開心得意的!

呀, 我唔知 "豬利亞蘿白絲" (餸名?  茱利亞羅拔絲 演美艷皇后), 入了場先知. 話說國家無了國王後她就獨攬大權, 而且亂洗錢令國庫空虛, 而 "白雪" (莉莉歌蓮絲演 更靚更青春的白雪公主) 就被困禁在皇后內.

一日白雪很想出去出面行下睇下而家國家變成點. 在森林遇上被強盜 (七個小矮人) 綁起的英俊王子 (艾美爾咸馬演), 之後再走到國家睇到人民無啖好食重要交重稅, 同她小時父王統治時人人開開心心載歌載舞的日子很不同. 回到皇宮後遇到王子, 於是她就決定做反推翻皇后.

皇后見靚仔王子係舞會同白雪有講有笑, 她除了妒嫉外, 還想要王子的身家, 於是決定放逐白雪到森林及下殺機..

首先 茱利亞蘿拔絲 識做戲就係人知, 估唔到人過四十, 演皇后還有那份驚艷!  莉莉歌蓮絲演的白雪公主 的確青春靚女 {這戲男女主角比起香港未上映的 <白雪公主之魔幻復仇記> 的 "吸血" <吸血新世紀> 女主角 {我覺得她像是外國街邊隨手都找到的女途人甲  姬絲汀史超域} 及 男角 基斯咸士禾夫 要靚仔靚女多了... 這樣才接近白雪公主} 這片白雪笑起來很甜...(你又宅男上身?) 而且她憑她的美貎及笑容幫她找到不少人緣及幫助 {尤其男士} 再加上片中的小聰明及古古惑惑的神情 {好明顯係美貎"世界女", 現實世界中最易最快上位. 在片中何來不是取盡著數?! 註: 我就喜歡她片中很神似古古惑惑的表情} 幸好她還有一顆善良的心!

迪士尼場面靚, 皇宮靚, 各人的衣服靚 {原來係北京奧運的設計師.. 怪不得!}

話題貼近現實, 國家債務 {歐債危機?}; 中女剩女 找 荀男 {盛女愛作戰? 現實中何嘗不是?}; 後生純潔女結果變"世界女" {當初咪被人蝦, 做多幾年野就識得唔可以俾人蝦, 自我增值及點自衛及上位嫁啦! 否則同片中一樣被整死的就是你}

廣東話版本估唔到又OK, 對白幽默抵死, 男女老幼年輕人"通殺"!
註: 片尾其中一個小矮人的名要留意!

 74分

等5月香港上 {美國4月現已上打對台} <白雪公主之魔幻復仇記> 睇下又掂唔掂?

呀, 俾你地睇下巔覆童話之作 {又稱 巔瘋之作!}

駭人的 <格林童話>
http://www.youtube.com/watch?v=nzPAS-lPBvE&feature=related

死亡的 <賣火柴小女孩> 1至14集
http://www.youtube.com/watch?v=ylBIGbu_X34&feature=endscreen

死亡的 <賣火柴小女孩> 17 上下集 {15,16集本人覺得麻麻, 喜觀可以自己上網找來看}http://www.youtube.com/watch?v=3HjX0Dq9hl8&feature=related

影評: 春嬌與志明

<春嬌與志明>

你叫我評, 我都唔知點評, 因好多人都睇過, 在復活節, 而且入戲院最多係年輕人, 係咪最消費得起唔知, 但肯定係最肯消費的一群. 而且復活節悶悶地就約埋三五個 friend 去睇戲. 你地睇過可能會覺得好睇, 但無論點, 無論你地贊唔贊成我, 以我自己對電影公平公正既立場, 我會狠批這套戲!
{可能你地會因為我睇了網上片段或預告對這片很有期望所以失望就狠批, 其實不是, 因我是上影了幾日已經去看了}

狠批原因如下:

故事講 余春嬌 (楊千嬅演) 全套片 {無論上套定這套我都覺得佢係最大主角, 雖然都係唔太識演戲} 同 張志明 (余文樂演) {這個更唔識演戲..唉....你知佢咁耐都唔紅就知, 雖然今集由於片尾爆紅, 但兩大主角都毫無表情, 木口木面...唉...}

兩人繼上集同居後開始有磨擦發生 {可能觀眾最有共鳴} 張志明要離開上北京工作, 没說分手就離開留下 春嬌 在香港. 而張志明在機上邂逅了空姐 尚優優 (楊冪演), 兩人火速戀上. 在這時 春嬌 的公司決定結束香港業務, 派她到上海做分店店長. 點知她在北京某餐廳門口 {明明話她去上海工作, 唔知做嘜時空轉移到左北京!} 遇上正熱戀中的 張志明 及 尚優優, 春嬌決定暫時放下愛情.

春嬌 工餘在好友 Brenda (林兆霞 上集醜女) 的安排下 進行相睇, 相睇了數次 春嬌 怕了, 而在其中一次相睇過程中肚痛上了廁所 叫 Brenda 扮她相睇, 她掉了電話到廁所內呼叫求救, 門口剛好 事業型高層 但中年的 阿Sam 經過,  幫了她的忙. 而在餐廳中來相睇的竟是高大威猛的 Ben (黃曉明演) 而靚仔 Ben 竟然對醜女 Brenda 一見鍾情 {這個幾好笑} 而大家離開了餐廳. 剩下 春嬌 及 Sam, Sam 說幫 春嬌  整好電話後找她. 最後買了一個電話給她, 她就陪 Sam 食飯. 之後兩人開始拍拖了.

可惜自從在餐廳門口撞到後, 張志明 與 余春嬌 心裡仍有對方, 於是就背住自己的另一半偷偷約會及偷食變成四男女愛恨交纏的關係..

雖然套戲我認為麻麻, 不過我最欣賞的都有這幾段對白:

No 1:
"我阿媽其實五十幾年前已經決定今係佢生日.. " <--講得勁認真!

No 2:
"喂，不如一齊浸浴缸吖" "我同你緊正經嘢, 你可唔可以唔好咁淫啊?" "乜嘢啊？浸浴缸喺一件好温馨, 好浪漫既事嚟嫁！乜你成日都念呢D嘢嫁？你成日都唸住點樣佔有我肉体..!!"
"痴線!" "你尊重下我啦..你成日都發泄我肉体, 我都有感覺, 我都有靈魂嫁, 我都需要愛嫁..!"
<-- 這句好, 我以後就用這句.. : P !

No 3:
"成世人流流長, 總會愛上幾個人渣既..!" <--這句真珠都無咁真!

No 4:
"腿張開" <--這句笑到停唔到!

No 5:
"那麼瘋巔過, 那麼真惜過, 那麼動地驚天愛x過!"

No 6:
"你想記個啲實記得嫁, 你唔想記個啲咪甩囉!" "對唔住啊..SORRY啊..SORRY啊~" " 你唔喺真喺Sor唔好Sor啦！" "唔喺啊~ 堅Sor呀!"  <--年輕人日常用語, 重要勁Hea勁無悔意!

No 7:
"粉紅x 頭, 可遇不可求" <--勁"壓韻"!

No 8:
非禮空姐理論: "咁即喺話, 我哋以前坐飛機, 白白浪費咗兩次摸空姐既機會.." <--得啖笑, 如果你照做我就恭喜你!

No 9:
"人生為咗咩？人生就喺為咗一個火爐...就係嗰幾下“啪啪”聲..! <--詹Sir這句好搞笑~

No 10:
"二十到三十歲，從少女變成大媽, 想想都覺得可怕!..  余店長你不用擔心了,因為你已經是大媽了!" <--這女職員想唔撈!

No 11:
"我係用家,你係食家.."


但我想講點解同第一集一樣又係開頭講故仔, 一樣係講不忠 (上集楊千嬅, 今集就楊千嬅+余文樂) 又係中途大家不滿, 到最後又係睇片尾 (只是這集片尾比較好笑), 可唔可以唔好學TxB抄來抄去咁求其? 俾D新意, 俾D誠意好唔好? 定只是對白粗鄙搭夠?!

起碼 第一集 停車場 那幕 真係有新意得來又真驚呀 !

這集最欣賞只是 鄭伊健 及 黃曉明 的演出 (這些真係專業演員), 另我很喜歡黃馨平的原裝MV嫁!

這集的網上熱話我想又掀起一輪 "粗口" 電影潮, 唉..唔通香港電影真係要淪落到越粗俗越多人看, 香港的年輕一輩又幾多被洗腦及影響呢?

我比較喜歡看 彭浩翔 之前的 <公主復仇記> 及 <大丈夫>

網上已有下載版及不用下載版, 雖然我不太欣賞此集, 但都不希望大家好似影響全球綠化的惡性循環一樣影響電影業.

63分＋２分片尾分

最後獻上各個經典陽光廣告 (有鄭伊健嫁!):
http://www.youtube.com/watch?v=adhNr4dX7l4&feature=related <--最最最經典對白: "嘜咁啱既?!"

而楊千嬅其中一個經典廣告有:
http://www.youtube.com/watch?v=egAZ84DwdyQ <--楊千嬅 個樣 尤其對眼係咪唔同咗呀??