Android 建議 Apps

因很多人都由iphone轉去用Notes, 所以都講下Android 建議 Apps 俾大家參巧下 (如有高手請指點及告知我那些更好)

去Android Play Store Download

檔案管理: AndExplorer 或 Astro

睇新聞雜誌: 蘋果日報, Pulse (內建美國雜誌, 自己delete改打中文雜誌)

影相特效: Paper Camera (要錢)

聽歌: TTPod (其實已有內建找歌) 或 MP3 Music Download [這兩個Apps d 歌多到聽唔曬]

上網: Dolphin Browser(多插件) 或 UC Browser 或 Opera

睇片: LeTV樂視影視 或 千寻影視 或 快手看片 或 天天影視 或
PP影院 [有些電影多, 有些綜藝多, 有些動畫多, 各有各好]

天氣: 我的天文台 (好好用,不過好食電!)

開關畫面: Screen Off

打機: Asphalt6 (賽車,iphone都有,要錢)

地圖: 明燈指路 (口講位置), Places(附近有咩食有咩提款機郵局), Maps(這應該係Google Maps,Android機勁過iphone的Apps, 行車或行路轉邊個彎都講埋!) Latitude(一路行一路地圖顥示), Navigation, Mobile Businfo

來電防火牆: 小熊來電

團購: GroupBuya(所有團購資料), Groupon, Cheapppy

計數機: Scientific Calculator (科學計數機, 先乘除後加減)

萬用工具: Super tool

緩存清理

Apps2SD: Apps移到內存或機, 移來移去都得

上網咩都有: hotweb熱網, HKUtil日常工具

翻譯: Google翻譯 (用過最好係佢,差不多咩語言都得, 有轉寫法, 有發音)

刪除: Uninstall Master 或 Root App Remover (勁, 但佢可以刪機內軟件, 要小心!)

輸入法: Go輸入法 (我自己覺得最好用)

Super tool

Barcode Scanner

Whatsapp

防毒: Lookout 或 AVG

省電: 2xBattery 我用咁多個省電我覺得唯一一個真正省到電, 不過一share wifi俾其他電子產品用就一定要關了它, 因它會幫你省電自動斷線

當然重有很多Apps, 係Android Play Store找, 如Root了機又唔怕中毒, 大陸很多Android Market, 很多免費Apps


Android 基本用法 及 名詞:

畫面上面向下拉, 有開聲音, Wifi, 藍牙, 定位 及 3G 開關
按死一個Apps, 可換圖示, 重命名, 刪除 或 卸載

Root機 即你改機做機主人(有機會變磚, 雖然少機會, Root了可還原), 因手機商唔想部機有咩事及中毒, 所以除了Market唔俾安第三方軟件, Root了機唔係免費但可以安多好多Apps同可以安唔同Android系統如最新Android4.0同部機會快咗. 如唔熟, 遲D先玩)

雖然而家很多機都可up 做Android 4.0, 但暫不建議, 起碼通多半至一年 Android4.0才會用得好, 因而家很多Apps唔support.

團購: 2012三月尾團購推介

本來想講 Android 必安 apps , 但近來d 團購又好似幾抵喎, 講咗團購先 (無錢收嫁)


防拐子佬
http://www.funshare.com/tc/todaysdeal/hongkong


多間分店甜品   想食又怕肥唔敢食
http://www.babybamboo.com.hk/deals/FriendsCatering3642


架火車好得意呀!
http://www.jigocity.com.hk/hongkong


星班魚扒+黑松露
http://www.gobuya.com/offers/Lung-Mun-Seafood-Dining-perigord-truffle-luxry-dinner-set-60-off?r=120322_edm_id&utm_source=Gobuya+Member+subscription&utm_campaign=d730a0cdee-UA-16322044-1&utm_medium=email


米芝蓮 食面  不過逢親米芝蓮都等到想死
http://www.funshare.com/tc/deal/kwunkee-1/hongkong


 $42  5道菜包括餐湯+頭盤+主菜+甜品+飲品 
http://www.travelfish.hk/tc/deal/forumcafe-dinnerset42


紫外線手機消毒器  手機病毒重多過廁所  (不過照銀紙機都做到同樣效果 返工不妨照下) 
http://www.travelfish.hk/tc/deal/JBmarketing-KoolerUV88


蛋糕真係抵食, 不過又係驚肥!
http://www.amtdbuylabuy.com/?p=SweetBomb_22_cake


我都想買俾我阿爸,  不過佢9成9唔會戴
http://www.groupon.hk/deals/_shopping/silence-sleeper/716007106?nlp=&CID=HK_CRM_1_0_0_83&a=715828031


龍蝦什果沙律、元貝、鰵肚、象拔蚌片、花膠羹、百花球、士多啤梨骨、石班件、炒飯及甜品
http://www.travelfish.hk/tc/deal/longchiu-dinnerset698


鷄煲+廣島蠔
http://www.gobuya.com/offers/Chicken-pot-hotpot-spicy-oyster-japan-scallop-50-off?r=120324_edm_id&utm_source=Gobuya+Member+subscription&utm_campaign=6cf3cb8dc0-UA-16322044-1&utm_medium=email


咁得意, 無人食?
http://www.groupbuyer.com.hk/zh/deal/Mu_Dan_Ting_22032012


山林道嘜鬼都半價
http://beecrazy.hk/hong-kong/deal/half-off-cash-vouchers-for-use-at-shops-on-hillwood-road-%E2%80%93-$50-for-$100!-shop-and-dine-to-your-hea


睇相d刺身好似好得  實際唔知得唔得
http://beecrazy.hk/hong-kong/deal/$150-for-a-$300-cash-voucher-from-kimchee-korean-restaurant!-ginseng-chicken-soup,-premium-beef-and


免費送貨, d 蛋糕真係好吸引..
http://www.groupon.hk/deals/_shopping/cheese-Cakes/716006989?nlp=&CID=HK_CRM_1_0_0_84&a=715828031


寫住咁多先, 有再補充.

 

影評: 鐵娘子──戴卓爾夫人傳,大追捕,巴打旅痕團,異星爭霸戰:尊卡特傳奇3D

影評: <鐵娘子──戴卓爾夫人傳>

我本身15/16究竟去唔去睇這套片, 因我驚睇傳記會悶, 但預告是OK的, (雖然無我之後睇youtube預告的精彩, 不過如想去睇的就不建議睇預告了, 因有很多劇透)

一入場, 兩個老人家, 戴卓爾夫人同她老公, 算了, 都預了. 但一會兒即時加插突如其來的炸彈襲擊, 一會兒再回到從前..

她是雜貨店老闆女兒, 見盡低下階層的辛苦, 見著媽媽日日的洗碗, 所以她嫁她老公時講明了:
「我先跟你講在前頭，我這輩子絕對不要成為一個只懂著洗杯子洗碗盤的女人，人生在世一定要活的有意義。」

別的女孩認為佢係整天在雜貨店工作, 不會去看電影的女兒, 但她證明到因此她拿了牛津的學位.

別人睇少佢她說的話因為佢係雜貨店女兒, 而且當時她是唯一的女議員.但她因劇中兩個男人的幫助爬到權力的最高峯 (不清楚史實是否如此). 但她的強勢 , "他們男人没勇氣講出來, 我講" 當住很多人面前閙下屬 "你連一份草稿都做不好,你是做甚麼的,不需你來做了!" (大約意思) 她就忙了一個重要的一環, 扶她上去的是男人 (正確來說是同僚), 能扯她下來的亦是男人 (同僚).

故事是不停穿插時空回憶, 就像當年究竟應唔應該為了很少很少人口的福克蘭群島開戰 (這幕也是精彩的一幕), 因戰爭是負擔不起的 (無論經濟同輿輪及人民壓力). 開戰後傷亡慘重, 她只說了 "我要寫信給每個陣亡士兵的家人" 信中提到對士兵的陣亡深感哀傷, 我作為首相, 但亦是為人母親, 這是史上未發生過的, 你們的傷痛我亦感受到..

當然電影中還有不少金句, 我也記不是那麼多, 自己去看吧!

梅麗史翠普演技一流.

不會悶, 精彩. 88分

<大追捕>

睇完鐵娘子, 唸下好唔好睇埋<大追捕>. 這套早場很多人睇. 我想是港產片+影帝效應吧! 套戲是OK的.

而唔知係咪知道這片的宣傳及話題之作, 所以播片前竟然突然著燈 (差人查牌?), 警告不要盜錄,會加強巡查及檢控..  

講番套片, 影片主要講一單兇殺案, 而這單兇殺案又關係到二十年前的一單 "姦殺案". 導演故佈疑團氣氛做到了, 只是背景音效很多時未能配合, 而致未能達到很多西片的緊張效果.. 較為可惜!

女士入場前要告知這套戲有幾場是比較血腥的 (有二三場血淋淋, 附近入場的女士發出ee聲..), 但完場前我見到女觀眾仍有駐足看幕後任達華同謝安琪討論 點解兇手唔一早自首的原因, 證明這套偵探片是成功的. 但是否成功到日本或韓國的偵探片的程度, 我覺得未到..

張家輝的演技完全蓋過了任達華及黃敏得, 利害! 謝安琪都OK.
Janice Man 算了吧..唔講都唔知原來係佢, 我重以為係邊個新人?

劇本OK, 可惜未去到外國片偵探的緊張感. 77分

<巴打旅痕團>

既然之前兩套都咁好睇, 身為戲迷既我一於看下去. 去看期待已久的 <巴打旅痕團> (百老匯無得上, 唔知係咪傾唔掂數)

一入場, 位置絶佳.. 可惜後面幾個五十幾歲既女人一路睇戲一路討論, 我頂唔順走了上前面側邊位 (那裡勁涷...好彩有帶褸, 但點都好過睇戲被人嘈住)

講番套戲, 三個表面上事業得意的"佬", 可惜各懷心事. 大家約好陪老友婚前去西班牙豪華遊. 在過程中他們各有唔妥, 各有心事, 但藉住旅行及各種特殊運動 X-Game 找回自己, 面對番各人真實既自己, 領悟自己的人生.

形男配美女 (一個形男兩個美女, 其中兩男一女唔係), 靚景靚屋, 加上西班牙的特殊節日, 我懷疑係咪西班牙旅遊推廣片..?

不過劇中令我最深刻的係, 其中形男主角想係四十歲前退休狂賺錢, 但女主角提醒佢 "你怎知你會否活到40歲? 現在想做便去做, 實行後, 才去想回你的40歲吧!"

無錯, 每人有幾長命無人知, 有人突然隠性心臟病發, 有人突然交通意外死亡, 人生點話得埋, 盡情生活在每一天吧!

印度劇名的原譯: 「人生苦短, 應及時行樂。」要比香港譯名貼題吧!

如果你未睇過 <3 idots 作死不離三兄弟> 及 <阿漢正傳> 你會覺得好睇. 但睇過的話劇情是有些似 <3 idots>的, 個人覺得 <3 idots> 及 <阿漢> 好看些.

70分

<異星爭霸戰:尊卡特傳奇 3D>

睇完<巴打>, 睇下隻錶, 距離下場 <異星爭霸戰:尊卡特傳奇 3D> 有成40分鐘, 食下野, 行埋過去另一間戲院都時間應該好fit, 就唔理之前網上影評人場話悶但自己都想去睇既<異星爭霸戰--尊卡特傳奇>.

入到去, 都多人睇, 不過唔知係戲院定套戲問題, 不太3D, 而且有上次在 凱都 睇 <龍門飛甲> 同屯門UA睇 <妖夜寻狼3D>  (今次唔係這兩間), 都係套戲唔多3D, 字幕有重叠的情況, 建議大家睇3D戲要找間好些的戲院, 如果唔係隻眼好辛苦..

套戲係講尊卡特無啦啦到咗火星 有一些異能如跳得很高, 很大力就參與了救火星及救公主的行動--其實火星這設定不太好, 因電視都講火星雖然有水但影唔到有外星生物, 如太陽系外其他行星感覺好些. (後來知道 電影改編自100年前的小說科幻小說《火星公主》（A Princess of Mars）, 而這小說正是《星球大戰》(Star Wars)及《阿凡達》(Avatar)開拍的靈感始源-- 100年前未知道火星上有無生物及這構思很利害吧)  公主是比較大隻的, 你們不要有甚麼期望.

但CG (Computer Graphic) 做得好好, 無論外星人同飛行器都無很膠很假之前電腦做唔到人物既感覺, 估唔到現在的 CG 這麼利害了, 比 <星球大戰> 還要做得好.

片中很醒目得意搶鏡的異星"狗狗"

套戲你就當<星球大戰>去睇吧, 劇情OK, 但我最鍾意就係個結局, 有少少估唔到同算是回到故事完整的結構.

男仔同<星戰>fans 會 Like, 但當然不及<亞凡達>的3D效果及靚景.

CG勁但劇情比較簡單.

79分 (之前的86分因為劇情問題改為79分)

影評 : 爭女特務王 妖夜尋狼3D: 血姬覺醒3D 失戀33天 爛賭夫鬥爛賭妻 3D 雨果的巴黎奇幻歷險

因為近來病又咳又發燒, 所以遲了發影評.
而之後因為想係屋企養病, 所以都係少出去睇戲, 之後的戲可能我要休息吓. (雖然好想睇 "巴打旅行團")

爭女特務王

本來真係有D期望, 第一由拍過<神探俏嬌娃>及<未來戰士2018>電視劇執行監製之職的 McG 拍的, 我想無鐵金剛的橋段都唔會太差, 再加上上次史密夫決戰史密妻的編劇總不會太差吧.不過事與願違, 套戲好普通.

首先, 女主角樣唔靚身材唔太好, 點解會有兩個型男, 重要係有d米特工 睇上先?

中間又要用中情局的人材及高科技去同佢地溝女. 初頭就話呃其他特工工作有關啫, 但後來明係溝女係人都知啦, 重公器私用幫佢地, 係咪個個唔想橯呀?

中間只是普通既溝女橋, 無特別, 最好笑既係其中一個特工同D o靚仔玩 war game, 殺到班o靚仔片甲不留那幕, 其他不太好笑.

以為片中奸角到了中途會殺出來精彩報仇, 點知睇咗三分二都未見, 除了開頭及最尾佢都唔知有20分鐘出場, 重要係草草了事.

無真正高科技, 無靚女, 勁少打鬥特技, 少笑位.

情人節前上可能OK, 情人節後才上, 唔掂!

45分




妖夜寻狼3D之血姬覺醒

本來這套很有期望去睇, 因為第一集好睇, 第二集OK, 第三集前傳講古代唔掂, 我想第四集應該會回勇吧, 點知除了每揮一拳都音樂嘭嘭聲外 (普通UA咋, 重大聲過 Disco同機鋪..震到張椅都震!), 完全唔知做嘜. 以為個頭開得幾好, 點知後來除了同改造狼打生打死外, 可以話無劇情, 同第一集差很遠. 第一集有夜光子彈, 有第一次玩機關, 有第一次人狼變身 (唔似吸血新世紀那些 Winnie The Poon 既雪撬狗人狼)

今集埋下伏筆, 好明顯想拍第五集, 但再係拍成咁, 下集開唔開得成都成問題. 重有佢重咩3級? 好血腥? 唔覺. 好色情? 唔係. 如果佢都3級得, 舊時很多戲都要3級.

講開又講, 生化危機 Resident Evil 因為我唔知睇到第幾集, 我就由第一集睇番.

十幾年前拍到這些水準真不簡單, 好似<異形>, <回到未來>等, 果時邊有那麼多電腦特技, 靠化粧燈光佈景同演員自己執生囉, 你都話果時拍戲D人唔犀利! 果時d人除了賺錢外, 重要口碑同超越上集. 而家拍多幾集只為掠多D水. Resident Evil 除了第二集個尾爛少少外, 第一集創新不特止, 第三集玩衛星控制同複製人; 第四集玩監獄, 鐵達尼(講笑:P), 大鐵鎚屠夫喪屍, 尾段重要玩配角返生 (真係集集精彩同加入不同元素! Very Good!) 第五集未上 (預計今年十月上)加入李冰冰中國人想打入中國市場, 係我2012最期待的電影, 不過通常外國片加入中國人套套都爛爛地, 希望第五集唔會啦!

講埋<我係傳奇>, 個名真係改得好，咁都俾人話好睇，真係傳奇, 喪屍唔同疆屍應見得陽光，這都不是問題, 套戲又長又悶, 成日係個無人既城市行來行去唔知做嘜，咁得悶係度打高爾夫，我買飛睇你打高爾夫? 對白又長又悶，動作場面少，最後又唔係講男主角點生存度，又無講個城市Ｄ喪屍係咪死曬? Bad! 我都訓左１至２次..

好啦，講埋吸血新世紀，我好想知D外國o靚仔o靚妹點解咁沉迷？　我第一集訓咗３次先睇到完，第二集好Ｄ訓咗２次，第三集算最好，無訓到。原來佢地話個男主角面無血色但個嘴唇夠紅好靚仔，到女主角又靚喎，靚鬼!! 男主角老豆同男配角就靚仔,女配角都唔算靚.. 第一集吸血鬼可以曬陽光 (吸血鬼同喪屍唔同唔可以曬), 人狼Winnie The Poon唔洗講, 又要成日唔著上衫，第二男主角明明長髮突然短髮唔接戲又無交代. 第二集個女仔亂上陌生男人電單車唔比人溶咗重要係兩個街口度唔該有落, 第二集有疆屍比人五馬分屍竟然完全一滴血都無, 有無搞錯. 第三集三個核突女主角(無算既，不過一定唔靚)繼續不停在兩男角上玩弄感情，見到佢地三個個樣咁樣都可以搞三角戀真反胃. 睇番原來編劇同導演都是女性，這都不是問題，哈利波特都好好睇！　但個導演都係唔掂，原來係我覺得１０大爛片<血紅帽>那個導演，唔怪之得咁拖長咁悶又唔合纙輯啦!　應改名做<嘔血新世紀>!

前面隻人狼好得意, 後面D人成日唔著衫, 攪到好"騎呢"..

這導演同樣遭人狠派的血紅帽

除了生化危機，推介幾部好睇既疆屍片給你地。

1.吸血疆屍驚情四百年(日落前那幕很緊張!) 奧斯卡名片。服裝化粧很好!

2.Interview with Vampire (睇過唔係太記得，不過影評一絶!)

3.無頭谷(無頭騎士周圍出現，究竟誰是凶手?) 陰陰沉沉氣氛很好!

4.Van Helsing (這個打英文好些，中文范海辛，我成日同周杰倫的范特西撈亂.. 在市鎮拿十字弓射殺飛天吸血鬼那蟇很精彩!

50分



失戀３３天

這個是在手機上看的, 我真慶幸在手機上看.　其實我想睇下這套戲點解可以收3億?! 這套戲我悶到斷斷續續睇了３，４次才看完. 第一，男女主角唔靚;第二，這些失戀故事身邊多的是，更離奇更精彩的比比皆是;第三是惡女加娘娘腔男的故事. 其實這些是否就是所謂的共鳴? 在身邊周圍發生的事? 制作費900萬 (都唔知用在那裡?) 宣傳費６００萬, 點可以以小勝大勝過＜鐵甲鋼拳>及<阿凡達>票房, 第一挾住<蝸居>這名字, 第二失戀差不多誰人都試過，第三在國內城市多間戲院同時上映,第四宣傳重點係八十九十後很多正值拍拖及失戀的一群, 第五在微博Twitter等請槍手起話題搶萱傳, 第六在光棍節上映. 很聰明但有些冒險的做法, 但又比它博到了. 不推介.. 如果要看愛情片, 我會推介舊時韓國的<情書>同<假如愛有天意>, 遺憾同哭到收唔到聲...

30分



爛賭夫鬥爛賭妻

本來唔對這片有任何期望, 但睇了別人影評有4/5星, 而且睇了預告, 又OK喎, 所以就去看了. 開頭都以為爛爛地, 不過早場幾十蚊就算吧. 邊知睇落幾好笑, 笑到我停唔到口, 只要後尾結局少少爛, 但其實ok. 王晶作品, 除了之前精裝追女仔賭神外, 這套真係開正佢果飯, 賭+追佬. 杜汶澤及薜海琪兩位主角固然出色, 最搶鏡那位竟不是家英哥及放貴利的超仔, 而係戲中杜汶澤的阿媽同王家X導演, 這兩個真係好攪笑, 而且對白真係好攪笑, 除了後尾少部份外, 其他都係笑唔停. 無特技無煽情位, 只有攪笑. 賭同拍拖這題材真係可以百拍不厭, 香港人唔識賭馬, 都識打麻雀, 唔識打麻雀都識玩啤牌, 唔識玩啤牌都識買六合彩, 況且而家馬會幾幫得手, 唔識買係馬會有人教你買..除了賭的題材兒童不宜外, 都有很多不文及有粗話, 重有打架場面. 所以六十歲以上, 十五歲以下都不宜觀看. 而且最後無咩講到賭既禍害, 但其他年齡層就會好啱key, 我一路咳一路笑好辛苦!

預告好攪鬼, 正片重好睇! 很久無看這麼好笑的片, 85分

3D 雨果的巴黎奇幻歷險

榮獲本屆奧斯卡11項大獎提名的電影, 最終擺到最佳攝影, 最佳藝術指導, 最佳音效剪輯, 最佳視覺設計. 故事講 Hugo (雨果)的爸爸死前留了一本維修機械人 (當然唔係我地而家既機械人, 亦唔係卡通片中的機械人), 但當中最重要的心型鎖匙不見了, 而且那本筆記薄亦給一個大叔 (其實這個才是主角) 取咗. 因為 Hugo好想知他爸爸死前留給他的訊息 (好大可能關鍵在機械人), 但他無錢又細個(他只可以靠維修及偷食物度日) 鬥唔過個阿叔, 唯有才阿叔既姪女幫忙. 最終去到那個阿叔家發現他的秘密.

情節一般般, 是有點悶, 但3D效果很出色, 重好過 <3D貓劍俠>, 原來我地成日見既圖 月球俾人射穿隻眼 出自那裡.

比較悶, 只是最後那些片段比較出色. 奧斯卡得獎都無面俾, 60分.