奪命異能 Chronicle
好啦, 講超能力會飛, 用意志可移動物件. 幾十年前 <超人> 已經識飛, 意志移動物件, 美國連續劇 <Hero>的大魔頭都識, 而且重勁可以手指當 Laser刀劏開物件添..
你唔原創我都算, 我都知好多時都係 "天下文章一大抄", 但你抄都抄得醒目D吖. 抄完<超人> <死亡習作> 又抄 <Jumper 越空行者> 可以周圍走同玩被欺壓少年大反擊, <Jumper>幾年前都前衛過你玩時空穿梭啦! **註: 噴 "空氣清新劑" 捉 Jumper更是一絶! 你又無 <街頭超人> 韋史密夫坐陣, 又無他的反性格演出, 當然劇情又無那麼好睇..
其實抄真係唔係大問題, 超能力這家, 由<超人> <星球大戰> 玩到而家, 但你唔好照抄, 抄得就要好過原著, 唔好學無線成日抄人劇完全一模一樣先得嫁..
我唯一領悟到的宗旨就係 你有能力, 但唔好傷害人..
我建議慳番幾廿蚊, 睇番 <Hero> 重好睇!!
35分
雷霆戰駒 War Horse
其實這戲我給80分, 另外5分我是給動物的.
唔講唔知, 這是兒童小說, 作者Michael Morpurgo是第一次世界大戰後出生, 但聽到一位經歷過第一次世界大戰的老人講起在戰時與馬匹共同經歷戰爭的經驗及他如何愛上那些馬匹，但是在戰後離開了牠們，而且一些戰馬會被販售到屠夫那邊被殺後供人們食用 (同人出生入死竟然有這待遇--鳥盡弓藏..!) 所以就寫了這小說. 而且又被翻拍到舞台劇上感動萬千觀眾 (好神奇, 布偶做馬的舞台劇都有這威力!!
千祈唔好以為係義犬報恩那種, 這套戲是講由馬仔的出生, 講佢離開媽媽, 學習訓練, 學習耕作. 到學習作戰, 到四處被人捉來捉去做各種苦差. 最後遇番主人既感人經歷.
牠從中認識了馬朋友, 亦為朋友捱義氣. 是以馬為中心講馬和馬, 馬和人的感情. 亦用馬的眼睛看第一次世界大戰的歷史.
聽聞是用了少量的電腦特技, 但很多時都係真馬親身上陣拍的. (拍動物片有難度, 但真很有靈性--聽聞馬的靈性還在狗之上是最親近人最懂得和人溝通的動物)
戰爭永遠係殘酷可怕的!
但可能因為兒童小說的關係, 除了一兩個德軍外, 其他的全都是好人? 而且那些殘酷的戰爭場面雖然係莊觀的! (史匹堡拍了多部, 手到拿來) 但明顯不會太殘酷.
而馬受坦克及戰火驚嚇逃跑那場更是一絶, 那馬的奔跑逃離神勇雄姿到不得了, 可惜最後給鐵線纏住了. 但英德兩軍為了隻馬停火救馬就誇張偏離現實了些.
中途頗多文戲, 我建議文戲多說話多的時侯可以去一下洗手間, 回來不影響觀賞 (片長兩個多鐘, 會忍洗手間忍得頗辛苦).
雖然有些戰爭場面, 但可以帶小朋友去看 (IIA級別, 兒童有大人陪同可看) . 也可告訴他們戰爭的殘酷.
但我覺得德軍那有這麼好英文? 德軍用回德文睇字幕就好了!
戲80分+動物5分 共85分
黑金速遞 Contraband
本來帶著少許期望看的. 但看完後一般吧, 唔緊張唔刺激, 真是B級片的制作.
首先講男主角既外甥仔貪快錢走私毒品, 點知見到海關就掉了毒品落海, 回來儍更更地以為毒販唔追究 (這劇情已娙有問題, 你以為佢係好人呀?!)
點知俾人車到入院. 紙包唔住火佢男主角知道咗找毒販講數. 點知講唔掂, 決定重操故業走私幫外甥仔還債. 但講到明唔運毒, 只運偽鈔. 走私過程船上中途出現種種問題, 家人亦面對毒販的繼續威脅. 最後講佢點同毒販鬥.
第一劇情老套, 預咗, 但估唔到鬥智鬥力都唔緊張, 又唔懸疑, 有少許 <Ocean Eleven> 的影子. 後尾大毒販取了毒品重係別人家坐住數, 重唔做低打佢而再無利用價值既男主角? 名畫被當爛布周圍放唔保存好重值幾億? 另藏毒的物品太明顯了, 鏡頭影完又影. 鬥智懸疑 比不上 1934年出版既 <東方快車謀殺案 Murder in the Calais Coach> Agatha Christie寫的那麼好看. [**你無可能估到邊個係兇手], 亦没有横沟氏寫<金田一>小說既威力. 而且音樂也帶不出緊張戲份 (究竟有多少背影音樂也不記得..套戲既失敗)
脅著橫掃「冰島奧斯卡」的冰島電影《雷克雅未克至鹿特丹》的冰島及歐洲賣座 (可能我睇慣Hollywood, 但睇唔慣歐洲電影, 之前<龍紋身的女孩>就係) 重怕Hollywood版, 可惜真是強差人意, 可能冰島原著會好些吧!
45分
