股市樓市: 2011-8-9 股市樓市而家點睇?

本來我唔打算在blog中講股市同樓市,尤其股市, 因為很奇怪, 好像變魔術, 你自己一個知就好準, 一公開了秘技 就很多人同你做相反, 咩人? 總之有人啦!

不過我都有意提吓大家, 就係而家唔好入市, 係 千祈唔好入股市同樓市!!

你話跌咗3千點喎! 係呀, 但你知, 美國係百年來首度被下調評級, 佢經濟本身已經差, 上次房貸又爆煲. 而且今次係重衰過上次, 因佢攪出來的禍已經在歐洲慢慢浮現, 歐洲真係多得佢唔小! 應該話全世界都多得佢.

先來個房產爆破,再來唔夠雷曼, 跟住,狂印銀紙及推出QE1, 2 推高資產, 令全球樓價高企, 物價狂標. 而家又因民主共和兩黨因政治上的爭權及競選問題引來阿標記 (Standard & Poor) 懷疑佢既還債能力. 全世界都拎住美國國債, 你話佢無錢或唔夠錢還, 你話幾大劑!

個市有機會彈既,因都跌了3千幾點. 而美國好大機會推QE3, 但這根本就係糖衣毒藥, 開始好似糖甜甜地, 暫穏住個股市, 後面先知係毒藥! 這又會狂推高物價! 而家D野貴唔貴? 我就覺得好貴, 如佢推QE3, QE4 將來就更貴.

係咁買熊仔(熊証)好唔好? 暫時唔好, 因跌了幾千點, 隨時彈番轉頭, 好驚! 但長期都係偏淡的.

總之, 有貨的唔等錢洗的, hold住, 最多等十年八年 (我講下, 因好似經濟大簫條最長試過十年).. 上之金融風暴很快, 半年多扮攪掂 (其實係推QE1,2印銀紙扮攪掂)

等錢洗或借了很多錢買貨的, 見過市一彈即走! 熊市中的反彈可以很利害, 但要狠心, 唔可以留! 你一留低, 下個跌浪可能重恐佈, 越跌越深! 熊市中的一兩次大升市是騙人的, 只會令人越踩越深!

無貨的, 唔好買! 一日未跌到上次金融海嘯的 1萬1千幾點, 或 匯豐 到唔到 $38.x 唔好買, 因唔知個市跌到幾深, 就算見到大升想買都要等大成交配合連升二三天才考慮. 就算跌唔到那個位, 我都勸你寧放過, 莫錯過 (指錯多一次）因今次跌到可能重勁過上次. 如果要買就唔好買股票, 買 Gold Go Go! 但如果你係10次股災有８－９次都避得開的話，我就唔阻你發達，你自己睇位入吧!

樓市都係而家千祈唔好買! 之前成交已縮,樓價已到了一個極不合理的水平,連九肚山的地皮都只係成本$5xxx一呎而又只得一個財團投就知大家都不太看好樓市. 而且而家政府又限制多多.

遲下有無公司執? 一定有. 總之, 而家慳D儲多個錢, 帶下飯, 買下六合彩就算. 一定要買就買Gold.


Hill Fung

影評 : Tron 創戰紀

我寫的影評可能都遲了些, 但我覺得這些都是好片, 所以要介紹下.

影評 Tron創戰紀

電影上映時因以為只是那些角色著住著光管的衣服, 所以無去睇錯過了, 幸好之後終於有看這套科幻經典

雖然一開始劇中有頗多不合理的地方, 如主角在警局無人保釋自己走得, 入了過去的遊戲機中心時會隨身帶備電筒..等都是不合理的, 但無損電影的可觀性.

背景音樂亦都要記一功, 它將你帶入緊張陰深的氣氛中.

我可以說無論你看的是3D還是2D, 這部都可說是科幻片的巔峰之作, 而1982年的"電子世界爭霸戰" (可說是Tron的第一集, 不過我建議先看Tron創戰記, 之後看番第一集當前傳睇, 你就會明番好多) 我今天睇番也算是那時的巔峰之作. 不過很可惜被星球大戰那些系列的風頭搶過吧, 而同時期的話星戰的做形及設計事實都比電子世界爭霸戰出色. 所以很少人提起吧!

  

 

片中加入了不是武打動作, 而且是非常好看的, 唔知係咪請了洪生定元生過去做武指(我估咋, 因武指十分出色!)

那個賽車賽道本人認為設計十分出色的, 因不是平面2D, 不是立体3D, 它是四方八面多維立体的, 即上下左右前後都可以是跑道, 而且還可回旋轉彎, 太神奇了, 大開神界! 而那架比蝙蝠車更強的四驅車我都很想有!

演 Quorra 表情多多很生鬼的女明星 Olivia Wilde 更打敗變形金剛女主角成為男女通殺的偶像. 她被評為2009年被美國男性雜誌《MAXIM》票選為全世界最性感的女人 及 維多利亞的秘密「What Is Sexy？」2010最性感女演員

配角 Castor (即 Zuse) 就像蝙蝠俠內的 小丑 一樣, 他很喜歡及以做奸人為樂, 不過最後都給大奸角做掉.

至於那些碟片, "He is different.." 衝出跑道等都是同"電子世界爭霸戰"相同, 只是無了那些雷射坦克, 有些可惜! 但就多了"Light Jets", 同 "Light Cycle" 一樣, 一拉就可變的飛機--我都想有, 實在太方便了! 不過我都係覺得雷射坦克形D, 如果一拉就有架坦架就勁正!

而2010的 Tron創戰紀就製造了星戰後最好的科幻場景電影. (當然有很多地方本人覺得係 "參巧"星戰而做出來的, 如男主角父親的 "大能" 及 後面的空戰場境等都好似, 而且編劇雖然想將星戰的父子情仇改為父子情, 但可惜劇情同 "潛行空間" 一樣,父子情未能表達出來感染觀眾, 可惜!

這套片間中都會幽你一默, 如 "我給你點提議吧, 不是那樣用的" "甚麼是Wifi?" 還有晚飯中間一段食燒豬做晚餐 邪派配角搜角時掉了東西.. 等, 你睇到就會明!

雖然劇情薄弱了些 (星球大戰式看就好了)但只看那些科幻場境我就覺得唔買隻Blue-ray都要買隻DVD睇下!

附上可算是第一集的"電子世界爭霸戰"的圖(內有雷射坦克內部) 

另外要講另一套本人睇過覺得比較爛的電影

就係 劉德華,謝霆鋒主演的 "新少林寺"..係英皇2011重頭電影, 但點解失敗?

第一就係范冰冰可以說是無劇份, 只是得閒哭兩聲, 而且演得不夠好.

謝霆鋒, 這套很失望, 明明"十月圍城"時演配角配得很好, 但這套做主角根本就演不出奸在那裡?

劉華, 大主角, 他唱歌一般我就不評論, 估唔到天王這做這戲都做不好, 他同謝霆鋒相反, 他後來
變忠做和尚, 同佢成日勸謝霆鋒改過, 但佢的表情話俾你聽佢仍然係奸..唉....

成龍, 配角 我都唔知佢係度做咩 只是煮下飯 見佢打又唔打得多, 又唔打得好睇, 間中插下佢畫面講幾句就完, 想點呀?!

場景, 完全睇唔到D人好窮, 只是面上抺些泥吧...

大師兄最好打都打不過反派打手, 反而師弟就打得贏?

而且那些武打動作很普通, 我勸你地如消磨下時間就可以, 有期望就免了..

附: 這套我看完後就算了, 所以没有圖.