影評: Battleship 超級戰艦 異形海戰

影評 <Battleship:超級戰艦 異形海戰>

影片講男主角 Lt. Alex Hopper (Taylor Kitsch演, 即 尊卡特傳奇 那個) 為了女主角 Shane(Brooklyn Decker演) 及 被阿哥Stone (Alexander Skarsgard演) 被迫誤打誤撞入了隊做海軍.

新增說明文字

衝動派原本有機會被革識的Hopper在一次多國聯合海軍演集中遇上外星人到訪及攻擊. 因 "科技高低" 問題被困 "海中" 同外星人開戰, 最後死剩他的戰艦, 而他誤打誤撞, 因為只剩他是當時最高軍階, 於是就做了船長, 他決心同外星人決一死戰!

首先我是睇了預告知道有此片. 嘩, 預告精彩!  但我通常都知道 "預告精彩 劇情糟榚" 這道理, {有85%以上的電影都是} 入就入硬場 但不抱太大期望...


估唔到開場都係無令我失望--> 無料到! 個男主角攪咩呀? 為了令女主角 歡心偷入便利店(偷)熱鷄肉卷 <--其實有比錢, 但店已關, 偷入去重要整爛曬D野! 唉... 女主角樣唔靚, 但身材勁. 最靚仔係男主角大佬可惜佢 "真係男配角".....


過了半個鐘 (頭半個鐘真係可以去廁所同遲了入場都唔怕) 正當出現了類似 "Zoids索斯機械獸" (TOMY的, 我細個都買過隻機械蜘蛛..)的外星戰艦後, 我以為係科技爛片之際, 緊張刺激的防衛戰展開了!

除了 "索師機械獸", 其實最勁係 "爆刺搖搖" 至啱, 那有刺的搖搖除了似中國十大殺人武器血滴子外 (又Short 上腦) 外, 其實我覺得同 亞曈木 來期中一個敵人機械人好似, 又係高速 "搖搖" (但無刺), 但它可以一分為二 吸敵人在中間 之後毁滅敵人...重恐佈..

首先海上拍片比陸上拍片難幾倍, 出過海都知在船上是左抛右抛, 拍攝人員要唔暈船外, 船上的拍攝器材要防水, 又要固定在船上 (如果唔係實抛落海) 重要後期剪接重新整好, 唔會令觀眾 "暈戲浪" (很多偽真實電影如 "殺人習作" 都搖來搖去, 攪咩呀?! 我睇你套戲 唔係睇你玩攝影機飄移呀!) 這點做得好好!


這套片, 雖然比不上 <Transformer 變形金剛>系列電影, 但與 <變形金剛> 各有勝處, <變形金剛> 係劇情到這步, 你唔知下步, 觀眾有些見步行步的感覺. 而 <Battleship> 就係埋有伏線, 死剩男主角要他做艦長, 在演習前向老兵致敬, 救下不和的日本艦艦長, 怕死科學家唔肯上車等都埋下之後劇情的重要伏線.

不愧為荷里活A級大制作. 除了 <Hancock街頭超人> 導演 彼得·柏格 玩味性質玩世不恭味極濃 外, 原來制片的個個皆星, 有 布萊恩高德納與班內特史納, 史卡特史達柏, 莎拉奧柏莉, 鄧肯韓德森 個個猛人一同監製! 而攝影指導, 美術指導, 造型設計 特效 等都是著名老牌電影制作人, 很難怪掉了這麼多錢 US$200 million 去, 你唔係比"行貨"出來呀, 而且這片很利害, 在全球, 尤其韓國, 已破外國片開畫冠軍三大, 在香港這陣子無任何對手下起碼可連續 2至3星期冠軍!

本來以為它全部起用不起眼的新人, 只有一兩個見過下, 原來我真係唔識貨, 男主角開頭講咗, 唔靚女主角Brooklyn Decker原來係超模 (佢老公原來係網球好手Andy Roddick), 男主角大佬係 <真愛如血> 的Alexander Skarsgard. 唔靚女配角原來係著名黑人女歌手Rihanna, 嘩 都係粒粒橙 (粒粒星至啱!) 但我想問既然出得咁多錢找粒粒星來演, 點解唔請多D靚女靚仔演呀? 女主角同女配角我唔想睇呀!!  我就鍾意船上喋喋不休的男配角.

套戲音樂真係無得彈! 我很多時都話套戲要有劇情同拍得好外, 音樂同音響絶對可以係錦上添花 (可以為套戲增加幽默懸疑恐佈氣氛等) 港產片<大追捕>拍得好, 但無了很好的音效或很少音效, 令觀眾少了緊張刺激 (好片, 可惜). <Battleship> 就知道這的重要, 音效同音樂 (年青人放縱不基 (基? 唔好意思, 唔識打, 頂住先) ) 的音樂. 音效在戰爭場面時帶起, 非常刺激!


其實主角由一個衝動派掌門短短唔夠一日變了識用孫子兵法, 這簡直不可思議! 不過這又何干呢? 一來就炸香港 (好明顯那些外國人心目中香港人是那種黃種人還要黑接近日本韓國人那種, 而且都係日本韓國那種樣, 所以我想那班香港被炸是日本演員) 之後又孫子兵法, 好明顯又係中國而家掘起, 無論在中國上映或外國都要加番D中國特色..

很多人話同外星人完全打無得打? 我想外星人80%機會勝, 地球人20%機會勝吧! 因為我地都未去到外邊的銀河系, 外星人可到地球的話, 外星生物的科技肯定會比我們高些. 但外星人真係可適應地球嗎? 地球的細菌病菌它們能適應嗎? 猛虎不及地球蟲 (地頭蟲, 講下笑, 唔好介意!) 你知我地地形點步儲嗎? 正如 <黑鷹24小時> 一樣, 你能穏勝嗎? 所以勝算 8 : 2, 不過都係外星人高些.


這片除了外星人除了 "爆旋陀螺" 及水做的防衛牆外, 其他都不是太高科技外. 大佬, 外星戰艦飛出來的不是魚雷, 又不是普通導彈, 點解好似要扔好多過手榴彈過來先打得沉地球戰艦? 而家射兩個魚雷過來船都沉啦, 外星彈不是這麼落後呀? 而且外星船用地球的槍及普通炮彈都射得爛, 不是嘛?!

但套戲無交代外星生物係咪真係咁仁慈? 他們 lock的目標全部都係高科技野或建築物 (它們視線會變紅色), 見到生物包括人類就變平和的綠色. 佢地係咪要來毁滅地球還是來令地球回復自然生態, 或是其他原因? 套戲無講. 期待打算拍下集 的會有交待?


雖然套戲有以上不足之處, 但真是緊張刺激!

而最攪笑係係 電話Apps "買飛睇戲"見到人地寫 "...最慘就係d外星人,落泥地球借個電話打返鄉下,就俾人打, 打完班美國佬同日本仔就變晒英雄呀最後.." <--哈哈!!

91分

Battleship本身是小孩的玩意, 兩方在紙上1至10, A至J 的座標上佈致唔同的戰艦, 每人五艘, 對手同你都不會知道戰艦放置在那裡. 要鬥快估中戰艦位置將它擊沉. 將對手全部艦隻擊沉的勝利.
後來發展到有電子版 (孩子寶, 唔係TOMY, 而家iOS同Android都有得玩)

孫子兵法:
孫臏 的兵法, 三國的時候用了很多, 最著名的當然係 "三十六計, 走為上計" 而而家明星就最鍾意係機場用 "明修棧道, 暗渡陳倉", 當年孫臏及諸葛亮就係因為這些打了很多勝仗, 但後期都說 "孫子兵法" (尤其係火計) 太殘忍, 所以唔想再用..


孫子兵法: (簡体)
http://www.quanxue.cn/ct_bingfa/SunziIndex.html
http://www.awflasher.com/36/




2012地球毁滅論:


外星人:
霍金都講過同外星生物接觸係一件很危險的事. 你唔相信有外星人, 成個銀河係都無, 只得地球人? 只有地球可以有生物? 人類會唔會自大左d? 不過正所謂人不犯我, 我不犯人, 所以都係唔好攪人 (外星人) 吧!


地震同海嘯:
這其實最有機會發生, 你睇而家咩國家都話地震, (遲D邊度都唔洗去旅行) 最慘係重要引發海嘯, 你地都見過日本同南亞海嘯幾恐佈! 走得到咩? 最好唔好發生.


地球引力:
磁場同地球引力問題令人氣侯劇變, 所有生物包人類唔適合生存, 想種野都種唔到, 無電力或電力電磁干擾. 涷死或餓死的人不計其數. 如果由引力引發地震海嘯就不得了!


磒石撞地球:
這有機會但多次都撞唔中或很細的磒石, 如比較大的磒力撞落黎, 除了被撞地方賴野外, 引發的地震或海嘯又是不得了.


無論地球係米2012毁滅都好, 活得開心有意義才重要! 




最後俾多條 <變形金剛 Transformer 3> 短片你地回味下:
http://www.youtube.com/watch?v=E-Sg_zJrDxc&feature=relmfu

影評: 魔鏡．魔鏡 白雪公主決戰黑心皇后 粵語版

<魔鏡．魔鏡：白雪公主決戰黑心皇后>  粵語版

首先註明我睇既係廣東話版, 因發覺有話這戲麻麻. 但我入場觀看時看到早上全院四分三院滿,除了頭兩三行. 小朋友高興不在話下, 估唔到我聽到五十幾六十幾歲老人家的笑聲!

首先這是一套合家歡, 無論你幾多歲都啱睇. 年輕人又點呀? 無問題, 有靚仔呀有靚仔, 有靚女有靚女. {對唔住, 又short上腦講那些低能話} 而且對白唔老套唔脫節 {廣東話版, 英文版不清楚} 人物名又抵死, "白高敦", 而其中一個矮仔名字片尾有提,  不失幽默.. 這是一套迪迪尼的合家歡片, 你唔好期望有咩驚險恐佈情節, 不過看的途中是會開心得意的!

呀, 我唔知 "豬利亞蘿白絲" (餸名?  茱利亞羅拔絲 演美艷皇后), 入了場先知. 話說國家無了國王後她就獨攬大權, 而且亂洗錢令國庫空虛, 而 "白雪" (莉莉歌蓮絲演 更靚更青春的白雪公主) 就被困禁在皇后內.

一日白雪很想出去出面行下睇下而家國家變成點. 在森林遇上被強盜 (七個小矮人) 綁起的英俊王子 (艾美爾咸馬演), 之後再走到國家睇到人民無啖好食重要交重稅, 同她小時父王統治時人人開開心心載歌載舞的日子很不同. 回到皇宮後遇到王子, 於是她就決定做反推翻皇后.

皇后見靚仔王子係舞會同白雪有講有笑, 她除了妒嫉外, 還想要王子的身家, 於是決定放逐白雪到森林及下殺機..

首先 茱利亞蘿拔絲 識做戲就係人知, 估唔到人過四十, 演皇后還有那份驚艷!  莉莉歌蓮絲演的白雪公主 的確青春靚女 {這戲男女主角比起香港未上映的 <白雪公主之魔幻復仇記> 的 "吸血" <吸血新世紀> 女主角 {我覺得她像是外國街邊隨手都找到的女途人甲  姬絲汀史超域} 及 男角 基斯咸士禾夫 要靚仔靚女多了... 這樣才接近白雪公主} 這片白雪笑起來很甜...(你又宅男上身?) 而且她憑她的美貎及笑容幫她找到不少人緣及幫助 {尤其男士} 再加上片中的小聰明及古古惑惑的神情 {好明顯係美貎"世界女", 現實世界中最易最快上位. 在片中何來不是取盡著數?! 註: 我就喜歡她片中很神似古古惑惑的表情} 幸好她還有一顆善良的心!

迪士尼場面靚, 皇宮靚, 各人的衣服靚 {原來係北京奧運的設計師.. 怪不得!}

話題貼近現實, 國家債務 {歐債危機?}; 中女剩女 找 荀男 {盛女愛作戰? 現實中何嘗不是?}; 後生純潔女結果變"世界女" {當初咪被人蝦, 做多幾年野就識得唔可以俾人蝦, 自我增值及點自衛及上位嫁啦! 否則同片中一樣被整死的就是你}

廣東話版本估唔到又OK, 對白幽默抵死, 男女老幼年輕人"通殺"!
註: 片尾其中一個小矮人的名要留意!

 74分

等5月香港上 {美國4月現已上打對台} <白雪公主之魔幻復仇記> 睇下又掂唔掂?

呀, 俾你地睇下巔覆童話之作 {又稱 巔瘋之作!}

駭人的 <格林童話>
http://www.youtube.com/watch?v=nzPAS-lPBvE&feature=related

死亡的 <賣火柴小女孩> 1至14集
http://www.youtube.com/watch?v=ylBIGbu_X34&feature=endscreen

死亡的 <賣火柴小女孩> 17 上下集 {15,16集本人覺得麻麻, 喜觀可以自己上網找來看}http://www.youtube.com/watch?v=3HjX0Dq9hl8&feature=related

影評: 春嬌與志明

<春嬌與志明>

你叫我評, 我都唔知點評, 因好多人都睇過, 在復活節, 而且入戲院最多係年輕人, 係咪最消費得起唔知, 但肯定係最肯消費的一群. 而且復活節悶悶地就約埋三五個 friend 去睇戲. 你地睇過可能會覺得好睇, 但無論點, 無論你地贊唔贊成我, 以我自己對電影公平公正既立場, 我會狠批這套戲!
{可能你地會因為我睇了網上片段或預告對這片很有期望所以失望就狠批, 其實不是, 因我是上影了幾日已經去看了}

狠批原因如下:

故事講 余春嬌 (楊千嬅演) 全套片 {無論上套定這套我都覺得佢係最大主角, 雖然都係唔太識演戲} 同 張志明 (余文樂演) {這個更唔識演戲..唉....你知佢咁耐都唔紅就知, 雖然今集由於片尾爆紅, 但兩大主角都毫無表情, 木口木面...唉...}

兩人繼上集同居後開始有磨擦發生 {可能觀眾最有共鳴} 張志明要離開上北京工作, 没說分手就離開留下 春嬌 在香港. 而張志明在機上邂逅了空姐 尚優優 (楊冪演), 兩人火速戀上. 在這時 春嬌 的公司決定結束香港業務, 派她到上海做分店店長. 點知她在北京某餐廳門口 {明明話她去上海工作, 唔知做嘜時空轉移到左北京!} 遇上正熱戀中的 張志明 及 尚優優, 春嬌決定暫時放下愛情.

春嬌 工餘在好友 Brenda (林兆霞 上集醜女) 的安排下 進行相睇, 相睇了數次 春嬌 怕了, 而在其中一次相睇過程中肚痛上了廁所 叫 Brenda 扮她相睇, 她掉了電話到廁所內呼叫求救, 門口剛好 事業型高層 但中年的 阿Sam 經過,  幫了她的忙. 而在餐廳中來相睇的竟是高大威猛的 Ben (黃曉明演) 而靚仔 Ben 竟然對醜女 Brenda 一見鍾情 {這個幾好笑} 而大家離開了餐廳. 剩下 春嬌 及 Sam, Sam 說幫 春嬌  整好電話後找她. 最後買了一個電話給她, 她就陪 Sam 食飯. 之後兩人開始拍拖了.

可惜自從在餐廳門口撞到後, 張志明 與 余春嬌 心裡仍有對方, 於是就背住自己的另一半偷偷約會及偷食變成四男女愛恨交纏的關係..

雖然套戲我認為麻麻, 不過我最欣賞的都有這幾段對白:

No 1:
"我阿媽其實五十幾年前已經決定今係佢生日.. " <--講得勁認真!

No 2:
"喂，不如一齊浸浴缸吖" "我同你緊正經嘢, 你可唔可以唔好咁淫啊?" "乜嘢啊？浸浴缸喺一件好温馨, 好浪漫既事嚟嫁！乜你成日都念呢D嘢嫁？你成日都唸住點樣佔有我肉体..!!"
"痴線!" "你尊重下我啦..你成日都發泄我肉体, 我都有感覺, 我都有靈魂嫁, 我都需要愛嫁..!"
<-- 這句好, 我以後就用這句.. : P !

No 3:
"成世人流流長, 總會愛上幾個人渣既..!" <--這句真珠都無咁真!

No 4:
"腿張開" <--這句笑到停唔到!

No 5:
"那麼瘋巔過, 那麼真惜過, 那麼動地驚天愛x過!"

No 6:
"你想記個啲實記得嫁, 你唔想記個啲咪甩囉!" "對唔住啊..SORRY啊..SORRY啊~" " 你唔喺真喺Sor唔好Sor啦！" "唔喺啊~ 堅Sor呀!"  <--年輕人日常用語, 重要勁Hea勁無悔意!

No 7:
"粉紅x 頭, 可遇不可求" <--勁"壓韻"!

No 8:
非禮空姐理論: "咁即喺話, 我哋以前坐飛機, 白白浪費咗兩次摸空姐既機會.." <--得啖笑, 如果你照做我就恭喜你!

No 9:
"人生為咗咩？人生就喺為咗一個火爐...就係嗰幾下“啪啪”聲..! <--詹Sir這句好搞笑~

No 10:
"二十到三十歲，從少女變成大媽, 想想都覺得可怕!..  余店長你不用擔心了,因為你已經是大媽了!" <--這女職員想唔撈!

No 11:
"我係用家,你係食家.."


但我想講點解同第一集一樣又係開頭講故仔, 一樣係講不忠 (上集楊千嬅, 今集就楊千嬅+余文樂) 又係中途大家不滿, 到最後又係睇片尾 (只是這集片尾比較好笑), 可唔可以唔好學TxB抄來抄去咁求其? 俾D新意, 俾D誠意好唔好? 定只是對白粗鄙搭夠?!

起碼 第一集 停車場 那幕 真係有新意得來又真驚呀 !

這集最欣賞只是 鄭伊健 及 黃曉明 的演出 (這些真係專業演員), 另我很喜歡黃馨平的原裝MV嫁!

這集的網上熱話我想又掀起一輪 "粗口" 電影潮, 唉..唔通香港電影真係要淪落到越粗俗越多人看, 香港的年輕一輩又幾多被洗腦及影響呢?

我比較喜歡看 彭浩翔 之前的 <公主復仇記> 及 <大丈夫>

網上已有下載版及不用下載版, 雖然我不太欣賞此集, 但都不希望大家好似影響全球綠化的惡性循環一樣影響電影業.

63分＋２分片尾分

最後獻上各個經典陽光廣告 (有鄭伊健嫁!):
http://www.youtube.com/watch?v=adhNr4dX7l4&feature=related <--最最最經典對白: "嘜咁啱既?!"

而楊千嬅其中一個經典廣告有:
http://www.youtube.com/watch?v=egAZ84DwdyQ <--楊千嬅 個樣 尤其對眼係咪唔同咗呀??

影評: 3D狂神魔戰 極地戰狼

<3D狂神魔戰> 



因為上集 <3D人神魔戰> 的成功 (上集同今集一樣唔3D...有騙錢之嫌! 重要睇字幕睇到眼花!!), 所以今集都有D期望...

故事講 十年前，宙斯的半神人兒子 帕修斯 打敗了 遠古海怪Kraken, 之後他變為漁夫, 跟10歲兒子赫利俄斯過生活.

眾神因缺乏人類的禱告力量漸衰. 但克羅諾斯的不寻常的力量漸長.

(克羅諾斯是宙斯、哈帝斯 和 波士頓 三個神的父親,不過這三兄弟以前就囚禁他們的強大父親於一處地下世界的地窖).

哈帝斯因忍夠了地獄無天日的生活決定跟宙斯的二兒子戰神阿瑞斯(Ares)一齊倒戈,並跟克羅諾斯勾結要捉住宙斯吸乾他的力量為己用. 地獄怪物漸漸不停入侵各地方威協到兒子,自己及村民的生命,因此帕修斯再也坐視不理要再戰魔神.

帕修斯由波士頓的遺言中知道要他的半神人兒子阿基納(Argenor), 女戰士安朵美達女王, 火神鐵匠希費斯特斯（Hephaestus）一起深入地下迷宮誓要救出宙斯,並打倒克羅諾斯拯救各國.

看罷覺得 希臘神話 已經拍得開始有些濫及爛了, 由 <神火之賊> <3D人神魔戰> <3D天魔戰神> 到而家的 <3D狂神魔戰>, 就好像TxB將金庸小說翻拍又翻一樣, 睇到唔想睇. <3D狂神魔戰>重話又有下集 (即第3集..).

由<3D天魔神戰>至而家的 <3D狂神魔神> 小弟都覺得亳無故事可言, 亂打一通, 重要 <3D人神魔戰> 同 <3D狂神魔戰> 根本就唔係3D 但就賣貴3D的票價. (現在很多戲都係, 自從 Avata 收得後, 個個都話自己3D 吸引觀眾同收貴飛. 講真3D睇2個鐘以上已很累, 而且好看的如<職業特工4> <逆戰> <大追捕> 等又是否一定要用3D呢?

今集只有部份如地下迷宮那part比較好看 (我阿媽話), 但小弟十幾年前睇加拿大電影 <CUBE立方体> (有兩集, 不同人拍, 很值得睇!) 已經見識過真正殺人迷宮的威力, 所以這個迷宮對我來說不算甚麼. 而且阿 火神鐵匠 明明話死門有99門, 生門只有一門, 比起諸葛亮的八陣圖, 甚至 黃易 小說 (最出名<大唐雙龍傳>) 的 機關神人 魯妙子  好像還要利害, 點知比 波士頓個仔 亂打亂撞 又過到!  (兒唔兒嬉d呀!)

全場一般, 無第一集 打大蠍子 蛇妖 及 海怪 的好看. 也没了第一集 藍眼 "木炭人" 這搶眼角色.

上集精彩圖片:

我重以為係隻手生野, 睇清楚原來係 蛇妖 個頭 

今集 71分

<極地戰狼>

你可能會將它和1993年史泰龍那齣 <絶嶺雄風 Cliffhanger> 比較, 兩套都係 飛機失事 冰天雪地, 但不同的是 <絶嶺雄風> 是講一班賊人為了賊贓到冰天雪地追殺史泰龍. 而 <極地戰狼> 就係因為能源危機 主角一班人被派到極地找能源 主角就是幫忙獵殺危害到工作人員的那些危險動物的. 他們飛機失事剩下七人"大難不死.." (外國人認為7是Lucky, 中國人認為7字不吉利) 但死剩的人如何在零生十幾度及被野狼虎視眈眈的情況下生存? 他們只有逃走及寻找有無民居有無機會得救, 結果...

首先唔講好唔好睇住, 聽聞攝影團隊在加拿大西北方冰天雪地取景, 滿臉凍傷, 在雪地怒奔、躍入冰泠的溪谷, 個個都親身上陣. 一喊cut，各人就飛快到火旁取暖. 很真實的"涷"!

而且片中更把ratio 1:1 的飛機毀壞模型載到取景場地, 勁迫真!

套戲的剪接很利害, 如和老婆在暖暖被窩, 突然可以冷天雪地, 墮機那幕也好看.

套片是好看的. 起碼你真是好像身在冰天雪地中, 很像大風雪涷到埋身. 如果你在零下十幾度, 四圍除了山同樹同雪咩都無, 你會點? 禍不單行重有一班嗜血野狼殺埋身, 你會放棄定還是奮勇一戰?

Trailer:

http://www.youtube.com/watch?v=qDHX44BkJQ4

不過人地話片尾重有少少, 我走咗睇唔到...

很真實, 好看!  89分


俾埋當年史泰龍的<絶嶺雄風>你地比較下:

http://www.youtube.com/watch?v=URdSD8UWxLk (精彩片段)

http://www.youtube.com/watch?v=wawytwKLob8 (片頭跌落山那幕很經典!)

影評: 高舉愛 伊朗式分居

影評: 高舉愛  伊朗式分居

<高舉愛>

故事講 江若琳 演的 李麗 本身是舉重選手 但因為糖尿糖被迫退下來. 她來了香港靠做各種苦力維持生計, 杜汶澤 演的 石勇 剛生意失敗又離婚搬到她住的村屋同為隔離鄰舍. 李麗 雖然 生活一般 又要成日打針 但她樂天知命的性恪感染了 雙失的 石勇. 最後兩人墮入愛河及生了一小孩. 本來 兩日生活安好 男外出工作 女照顧家庭 但 李麗 一直都有個 舉重 夢, 而石勇都知道 於是石勇就幫她實現夢想 做工作及住家男人 可惜好景不常...李麗為了應諾重踏舞台誓要實現兩人夢想.

睇過 杜汶澤 之前的<爛賭夫決戰爛賭妻>後 發覺他是一個很利害的演員 (雖然今集他發揮的空間不多)

 

講番 江若琳 我是没有甚麼期望看她演戲的, 但估唔到都ok, 而且增肥20磅去演這角色, 唔知係咪特效定再填填充物, 真的不止大了一個碼 而且那些舉的鐵餅都頗真實.

其實套戲都算真摰感人 (尤其播出主題曲那剎那)
http://www.youtube.com/watch?v=smdpl5tFI1E

不過唔知點解無論電影或電視很多時都有穿崩位, 如同屋的男配角頭髮時金時黑, 另 江若琳 做便利店員時 牌上的名字竟然係 Ki Ki....

電影改篇自以下真人真事
 http://www.youtube.com/watch?v=o9RRzgUdUL0

可惜我睇得遲, 影片已落畫, 如想看遲些等DVD或VCD吧..對不起!!

 76分

<伊朗式分居>

本來是很大期望去睇的, 見它成為伊朗想禁的禁片，奪取了全球43項大獎, 包括金球獎最佳外語片, 柏林影展最佳電影金熊獎, 最佳男女主角,本屆奧斯卡角逐獲得了奪得最佳外語片.在港舉行的亞洲電影大獎, 取得最佳電影, 最佳導演, 最佳編劇及最佳剪接.. 嘩, 攞獎攞到手軟, 梗係要睇啦, 點知..唉....

以下有劇透, 不過全片重點唔係劇情, 係全片差不多人都係為了自己利益或免受懲罰而說謊. 本來以為很精彩的... (以下劇情比較悶, 細戲院唔夠40人睇, 中途2,3個人去廁所<--你話悶唔悶? 如唔想睇就遲D跳去看我下個影評好了.)

先講回故事, 很簡單 (唔知點解咁都有最佳原創劇本) 一開始兩公婆為了移民在法庭爭辯, 老婆Simin為了個女Termeh有比較好的教育及生活想移民, 老公Nadar為了想照顧老人痴呆的父親想留下. 無辦法, 無法達成共識, 移民失敗. 老婆一氣之下離開

Nadar自己平日要銀行返工無時間照顧有病父親, 於是就請女性工人Razieh幫忙照顧. 有一日那痴呆老人瀨了尿, Razieh因宗教問題唔知道可不可以幫他清潔及換褲, 要打電話問宗教熱線 (伊朗宗教文化在我們眼中不可思議) 她其實是每天帶著小女兒及瞞著自己老公Houjat從很遠到Nadar家打工.

有一天有那痴呆老人家想買報紙自己走到街上, Razieh 出街幫忙找他, 點知就那時大了肚的Razieh就被車撞倒.. 一切爭拗就係由那時開始. Razieh 為了覺得身体不妥要看婦科醫生而要離開, 於是就將痴呆老人綁在床上驚他街上亂跑. Nadar 及 女兒Termeh回來後發覺老父跌落床昏迷無知覺..於是急救, 幸好救得番. Razieh回來後被駡及被屈偷錢. Termeh 都知 Razieh 被屈但唔出聲助紂為虐 (有無搞錯呀!) 爭執間 Razieh 被推落樓梯..

 

後來 Razieh 入了醫院, 她老公 Houjat 想打 Nadar 及大鬧醫院 (可能D人覺得這部份好睇, 但我地日日都見 真係咩人都有 你想唔想到的都會發生 所以這些對我來說只是小兒科...亦唔覺得好睇)
最後兩個老公互數到上法庭, 這個話佢疏忽照顧老人, 這個話佢令他老婆小產..  Nadar 死口唔認一早知 Razieh 有咗, 但原來 Razieh 亦因為那次撞車失去小孩又唔講. 大家你隠我瞞互數 (其實為了照顧老人而被車撞已經要陪錢啦!) 這片根本就係<羅生門>, 現實中99%人都係自己利益行先 (間中一千個中會有一個好人老實人) 我唔覺得有別人說的連連緊扣, 爭相利益喘不過氣的影評發生..... 這就是現實每日發生緊有咩特別? 何來最佳電影及編劇? 我又睇唔到有甚麼地方有最佳剪接....  雖然悶及不精彩, 但各個演員演技都是好的.
 

本來還想睇下伊朗式的分居有咩特別? 點知完全無關, 就算原本的釋法都不切題. 如我給戲名就給 <伊朗式家庭爭拗>

雖然勁多奬但太悶了, 印度電影 "3idots" 及 "阿漢正傳" 好看多了!

40分